काठमाडौं ।
एप्पलले सम्भवतः २०२४ मा फोल्डिङ स्क्रिनको साथ आईप्याड लन्च गर्ने विश्लेषक फर्म सीसीएस इनसाइटले मंगलबार भनेको छ। अमेरिकी टेक्नोलोजी दिग्गजले चाँडै फोल्डेबल टेक्नोलोजीको साथ प्रयोग गर्न थाल्नेछ।
सीसीएस इनसाइटले मंगलबार आफ्नो वार्षिक भविष्यवाणी प्रतिवेदन प्रकाशित गर्यो जसमा समूहका विश्लेषकहरूले भविष्यका उत्पादनहरू र प्रवृतिहरूको बारेमा पूर्वानुमान गर्छन्।
पछिल्लो रिपोर्टमा, सीसीएस इनसाइटले भविष्यवाणी गर्दै एप्पलले फोल्ड गर्न मिल्ने आईफोनको सट्टा फोल्ड गर्न मिल्ने आईप्याड दुई वर्षभित्र लन्च गर्ने बताएको सीएनबीसएले उल्लेख गरेको छ।
यो सामसंग जस्ता अन्य स्मार्टफोन निर्माताहरूको विपरीत हो जसले ट्याब्लेटको सट्टा फोल्डेबल स्मार्टफोनहरू लन्च गरेका छन्।
“अहिले एप्पलको लागि फोल्डेबल आईफोन बनाउनुको कुनै अर्थ छैन। हामीलाई लाग्छ कि उनीहरूले त्यो प्रवृति त्याग्नेछन् र सम्भवतः फोल्डेबल आईप्याडको साथ खुट्टाको औंला पानीमा डुबाउनेछन्,” सीसीएस इनसाइटका अनुसन्धान प्रमुख बेन वुडले एक अन्तर्वार्तामा भने।
“फोल्डिङ आईफोन एप्पलका लागि अति उच्च जोखिम हुनेछ। पहिले, अवस्थित आईफोनहरूलाई ससक्त बनाउनको लागि यो अविश्वसनीय रूपमा महँगो हुनुपर्छ,” वुडले थपे।
विश्लेषकले फोल्ड गर्न मिल्ने आईफोनको मूल्य लगभग २,५०० डलर मूल्य लाग्ने बताए। अहिले एप्पलको सबैभन्दा ठूलो भण्डारण भएको आईफोन १४ प्रो म्याक्स हालको सबैभन्दा महँगो मोडेल हो र यसको लगभग १,५९९ डलर मूल्य छ।
फोल्डेबल स्क्रिन उत्पादनहरूका साथ एप्पलको मनसायको बारेमा धेरै हल्लाहरू भएका छन्। तर कम्पनीले अहिलेसम्म यस बारेमा कुनै आधिकारीक संकेत दिएको छैन्।
प्रकाशित: २ कार्तिक २०७९, बुधबार
