काठमाडौं ।
फक्सवागनको सफ्टवेयर इकाई क्यारियाडले चिनियाँ प्रविधि फर्म होराइजन रोबोटिक्ससँगको नयाँ उद्यममा २ अर्ब डलरभन्दा बढी खर्च गर्ने र ६० प्रतिशत हिस्सेदारी लिने बताएको छ।
कम्पनीले सफ्टवेयर र चिनियाँ बजार जस्ता दुई ठूला चुनौतीहरूको सामना गर्न लगानी गर्ने बताएको हो।
कार निर्माताले होराइजन रोबोटिक्समा १ बिलियन डलर र संयुक्त उद्यममा थप १.३ बिलियन युरो (१.२६ बिलियन डलर) लगानी गर्नेछ। यो कारोबार २०२३ को पहिलो अर्ध वार्षिकमा सम्पन्न हुने रोयटर्सले रिपोर्ट गरेको छ।
कम्पनीहरूले सँगसँगै टेक्नोलोजी विकास गर्नेछन् जसले चीनमा मात्र उपलब्ध हुने एकल चिपमा स्वायत्त ड्राइभिङका लागि धेरै प्रकार्यहरू एकीकृत गर्न सक्छ।
अमेरिकी चिपमेकर क्वालकम र फ्रान्को-इटालियन चिपमेकर एसटीएमईक्रोइलेक्ट्रोनिक्ससँगको विद्यमान आपूर्ति सम्बन्धलाई ध्यानमा राख्दै यो उद्यमको अर्थ फक्सवागनको प्रत्येक प्रमुख क्षेत्र उत्तरी अमेरिका, युरोप र चीनमा आपूर्तिकर्ता हुनेछ।
क्वालकमसँगको साझेदारीको विपरित, फक्सवागनको सफ्टवेयर एकाइ क्यारियाडले होराइजन रोबोटिक्ससँग चिप प्रविधि विकास गर्न सक्रिय भूमिका खेल्नेछ, र यो जानकारी फक्सवागन समूहमा साझा गरिने कार निर्माताका चीन प्रमुख राल्फ ब्रान्डस्टेटरले बताएका छन्।
प्रकाशित: २८ आश्विन २०७९, शुक्रबार
