काठमाडौं ।
कुनै क्षुद्रग्रहले अर्को पटक पृथ्वीलाई खतरामा पारेमा, मानवले ग्रहलाई बचाउने मौका पाउन सक्छ। मंगलबार, नासाले डार्ट भनिने यसको प्रयोगात्मक डबल एस्टरोइड रिडिरेक्सन परीक्षणले सफलतापूर्वक डिमोर्फोसको कक्षलाई परिवर्तन गराएको घोषणा गर्यो।
दुई हप्ताको डाटा सङ्कलन र विश्लेषणपछि, डार्टको प्रभावले यसको अभिभावक, डिडिमोस क्षुद्रग्रहको परिक्रमालाई ३२ मिनेटले छोटो पारेको एजेन्सीले पत्ता लगाएको इन्ग्याजेटले उल्लेख गरेको छ।
सेप्टेम्बर २७ को टक्कर अघि, नासाले डार्ट परीक्षणलाई सफल भन्नको लागि ७३ सेकेन्ड वा बढीले डिमोर्फोसको कक्षीय अवधि परिवर्तन गर्न आवश्यक रहेको अनुमान गरेको थियो। तर अन्तरिक्ष यानले त्यो बेन्चमार्कलाई २५ गुणा भन्दा बढीले जितेको छ।
“यदि पृथ्वीलाई खतरामा पार्ने क्षुद्रग्रह फेला परेको छ र हामीले यसलाई धेरै टाढाबाटै देख्न सक्यौं भने, यो प्रविधिको प्रयोग गरी यसलाई विचलित गर्न सकिन्छ,” अन्तरिक्ष एजेन्सी नासाका प्रशासक बिल नेल्सनले मंगलबार आयोजित एक पत्रकार सम्मेलनमा भने।
नासाले नोभेम्बर २०२१ मा डार्ट मिशन सुरु गर्यो। भेन्डिङ मेसिन आकारको अन्तरिक्ष यान लगभग १४ हजार माइल (२२,५३० किलोमिटर) प्रति घण्टाको गतिमा यात्रा गरिरहेको थियो जब यसले पृथ्वीबाट लगभग ६८ मिलियन माइल टाढा डिमोर्फोसको बाटो पार गर्यो।
प्रकाशित: २७ आश्विन २०७९, बिहीबार
