काठमाडौं ।
होण्डाले ब्याट्री प्लान्ट निर्माण गर्न अमेरिकाको ओहायोमा फएट काउन्टीलाई छनोट गरेको घोषणा गरेको छ। त्यहाँ यसले एलजी इनर्जी सलुसनसँग संयुक्त लगानीमा ४.४ अर्ब डलरको इलेक्ट्रिक भेहिकल ब्याट्री प्लान्ट निर्माण गर्नेछ।
अप्रिलमा एलजी इनर्जी सलुसनसँग संयुक्त उद्यम घोषणा गरेपछि,होण्डाले आधिकारिक रूपमा दक्षिणपश्चिम ओहायोमा अवस्थित फएट काउन्टीलाई अटोमेकरको भविष्यका विद्युतीय सवारी साधनहरूका लागि ब्याट्रीहरू निर्माण गर्ने स्थानको रूपमा छनोट गरेको हो।
समग्र परियोजना लागत ४.४ बिलियनको साथ, साइटको लागि होन्डा र एलजीईएसबाट ३.५ बिलियन डलर लगानी आवश्यक छ। प्लान्टले २,२०० रोजगारी सिर्जना गर्ने अपेक्षा गरिएको छ।
होन्डा र एलजीईएस बीचको संयुक्त उद्यमलाई नियामक स्वीकृतिहरू बाँकी रहेको, २०२२ मा औपचारिक रूपमा अन्तिम रूप दिइनेछ। निर्माण सन् २०२३ मा सुरु हुने र अर्को वर्षसम्ममा सम्पन्न हुने तय गरिएको छ।
होन्डा र एलजीईएसले सन् २०२५ को अन्त्यसम्ममा पाउच प्रकारका इभी ब्याट्री सेलहरूको ठूलो उत्पादनका साथ प्लान्टको वार्षिक क्षमता ४० गीगावाट आवर हुने अपेक्षा गरिएको छ।
प्रकाशित: २७ आश्विन २०७९, बिहीबार
