काठमाडौं ।
जापानले माइक्रोन टेक्नोलोजी इन्कलाई ४६.५ बिलियन येन (३२ करोड अमेरिकी डलर) सम्मको अनुदान दिने उद्योग मन्त्रालयले शुक्रबार बताएको छ। अमेरिकी चिपमेकरले अन्यत्र पूँजी लगानी कटौती गरेपनि यसले हिरोशिमा प्लान्टमा उन्नत मेमोरी चिपहरू बनाउन सक्छ।
अमेरिकी उपराष्ट्रपति कमला ह्यारिसको जापान भ्रमण पछिको घोषणा, चीनसँग बढ्दो तनाव र प्राविधिक प्रतिद्वन्द्वीबीच टोकियो र वाशिंगटनबीच चिप निर्माणमा बढ्दो सहयोगको पछिल्लो उदाहरण भएको रोयटर्सले जनाएको छ।
“माइक्रोनले जापानी सरकारको समर्थनको कदर गर्दछ, र सेमीकन्डक्टर उत्पादन र अग्रिम नविनता विस्तार गर्न जापानको प्रयासमा विश्वव्यापी साझेदार हुन पाउँदा गर्व छ,” माइक्रोनका ग्लोबल अपरेसनका कार्यकारी उपाध्यक्ष मनिष भाटियाले एक प्रेस विज्ञप्तिमा भने।
माइक्रोनले हिरोशिमा प्लान्टमा आफ्नो नयाँ १-बिटा डायनामिक र्यान्डम-एक्सेस मेमोरी (डीर्याम) चिपहरू निर्माण गर्ने बताएको छ।
अमेरिकी चिपमेकरले बिहीबार पर्सनल कम्प्युटर र स्मार्टफोनको मागमा आएको गिरावटको बीचमा समग्र लगानी योजनामा ३० प्रतिशतले कटौती गरेको छ।
स्थानीय साझेदार किओक्सिया होल्डिङ्ससँग सञ्चालित जापानी प्लान्टमा फ्ल्यास मेमोरी चिप उत्पादन बढाउनको लागि जुलाईमा अमेरिकी फर्म वेस्टर्न डिजिटल कर्पलाई ९२.९ बिलियन येन दिएपछि घरेलु चिप उत्पादन बढाउने जापानको योजनाको पछिल्लो कम्पोनेन्ट आएको छ, जुन तोशिबा कर्पबाट छुट्टिएको थियो।
प्रकाशित: १६ आश्विन २०७९, आईतवार
