काठमाडौं ।
अनलाइन लोकदोहोरी प्रतियोगितामा नारायण पौडेल र विमला सुनुवारको जोडी प्रथम भएका छन्।
प्रथम जोडीले ५० हजार रुपैयाँ पुरस्कार पाए।
पाल्पामा सम्पन्न भएको “नेपाल र नेपालीको पहिलो अनलाइन लोकदोहोरी प्रतियोगिताˮ गोर्खालिभ्वाईस लोक दोहोरी प्रतियोगिता सीजन १ हो।
लोक दोहोरीका पिता भनेर चिनिने बम बहादुर कार्कीले कार्यक्रमको समापन गर्दै आफ्नो ईतिहासमा अर्को एउटा शब्द थपिएको छ इतिहासमा पहिलो र पृथक नेपाल र नेपालीको लोकदोहोरिमा अनलाइन प्रतियोगिता हुनु राम्रो रहेको बताए।
वसन्त तिमिल्सेना र संगिता तामाङको जोडी द्वितीय भएका छन्। द्वितीय जोडीले ३० हजार रुपैयाँ पाए।
यस्तै दिलु मगर र लक्ष्मण घिमिरेको जोडीले तृतिय स्थान हासिल गरेका छन्। तृतिय हुने जोडीले नगद २० हजार रुपैयाँ पाएका छन्। सबै बिजेताले नगद सहित प्रमाणपत्र र सिल्ड समेत प्राप्त गरेका हुन्।
गत वैशाख देखि आयोजित अनलाइन लाइभ लोकदोहोरी प्रतियोगितामा ५० जोडीको सहभागिता रहेको थियो।
प्रकाशित: ४ आश्विन २०७९, मंगलवार
