काठमाडौं ।
चीनले अगस्टदेखि विभिन्न क्षेत्रहरूमा भएको खडेरीसँग लड्न मद्दत गर्न आर्टिफिसियल रेन टेक्नोलोजी (कृत्रिम वर्षा प्रविधि) प्रयोग गरेको चीनको मौसम विज्ञान प्रशासन (सीएमए) ले मंगलबार बताएको छ।
अगस्ट १ देखि ३१ सम्म, हुबेई, चोङकिङ, हेनान र शान्सी लगायत सुख्खा प्रभावित क्षेत्रहरूमा कृत्रिम वर्षा गराउनका लागि विमानले ७५ उडानहरू गरेको थियो। जुन कुल २११ घण्टा चलेको सीएमए अधिकारी झाओ झिकियाङले पत्रकार सम्मेलनमा जानकारी दिएको समाचार एजेन्सी शिन्ह्वाले जनाएको छ।
झाओकाअनुसार यी वर्षा निर्माण कार्यहरूले १.४५ मिलियन वर्ग किलोमिटर कभर गरेको अनुमान गरिएको छ, जसले खडेरी र उच्च तापक्रमलाई कम गर्न, पानीको भण्डार बढाउन र कृषि उत्पादनलाई स्थिर बनाउन महत्त्वपूर्ण भूमिका खेलेको छ।
अधिकारीका अनुसार, यी अपरेसनहरू मौसम विज्ञान स्याटेलाइटहरू, मौसम राडार, र मानवरहित हवाई सवारीहरू जस्ता अत्याधुनिक प्रविधिहरूद्वारा संचालित छन्।
झाओले थप भने, ‘कृत्रिम वर्षाले चोङकिङ र सिचुआनमा तातो मौसमका कारण लागेको डढेलोलाई पनि नियन्त्रण गर्न मद्दत गरेको थियो।’
चीन सन् १९६१ यताकै सबैभन्दा तातो गर्मीबाट गुज्रिरहेको छ जब उसले पूर्ण मौसमी रेकर्ड राख्न थाल्यो।
समाचारअनुसार जुन १ देखि अगस्ट ३१ सम्म देशको औसत तापक्रम २२.३ डिग्री सेल्सियस थियो, जुन नियमित वर्षको सोही अवधिको तुलनामा १.१ डिग्री सेल्सियस बढी र सन् १९६१ यताकै उच्च रहेको राष्ट्रिय जलवायु केन्द्रले जनाएको छ।
प्रकाशित: २२ भाद्र २०७९, बुधबार
