काठमाडौं ।
ब्राजिलको न्याय मन्त्रालयले देशभित्र चार्ज बिनाको आईफोन बिक्री निलम्बन गर्ने निर्णय गरेको छ। साथै, सरकारले कुपर्टिनो कम्पनीलाई २३ लाख डलर जरिवाना गरेको छ।
यो निर्णय ब्राजिलियन फेडरल रजिस्टरमा प्रकाशित भएको ९टू५म्याकले रिपोर्ट गरेको छ।
न्याय मन्त्रालयले निर्णयमा यस्तो लेख्यो: “ ब्राजिलियन लिरा १२,२७४,५०० को जरिवाना, आईफोन १२ मोडलदेखि बजारमा ल्याइएका आईफोन ब्रान्डका स्मार्टफोनहरूको दर्ता खारेज गर्ने र सबै आईफोन-ब्रान्डेड स्मार्टफोनहरूको आपूर्ति तत्काल निलम्बन गर्ने, चार्जरको साथ नभएका मोडल वा जेनेरेसन जुन भएपनि,” निर्णय भन्छ।
सरकारले एप्पलले पावर ब्रिक बिना आईफोनको बिक्री तुरुन्तै स्थगित नगरे दैनिक जरिवाना लागू गर्ने निर्णय गरेको छ। तर अमेरिकी कम्पनीले निकट भविष्यमा स्थानीय दिशानिर्देशहरू पालना नगरेमा मात्र यस्तो हुनेछ।
यसअघि सन् २०२१ को अक्टोबरमा, ब्राजिलको न्याय मन्त्रालयले एप्पल र सामसङलाई कम्पनीहरूले आफ्नो स्मार्टफोन लाइनहरूबाट चार्जर किन हटाए भन्ने बारे स्पष्ट नभएको बारेमा सूचित गर्यो। गएको मे महिनामा सरकारले ब्राजिलको उपभोक्ता संरक्षण नियामकलाई एप्पल र सामसङ विरुद्ध प्रशासनिक कार्यवाही सुरु गर्न भनेको थियो।
ब्राजिलमा ग्यालेक्सी जेड फ्लिप र जेड फोल्ड ४ को परिचयसँगै, सामसङले ब्राजिल सरकारको दिशानिर्देशहरूको पालना गर्यो र अब नयाँ स्मार्टफोनहरूका साथमा चार्जर समावेश गर्दैछ। अर्कोतर्फ, एप्पलसँग आईफोन बक्सहरूमा चार्ज गर्ने एसेसरिज छैन।
सन् २०२० को अक्टोबरमा, आइफोन १२ लाईन प्रस्तुत गर्दा, एप्पलले सन् २०३० सम्ममा कार्बन न्यूट्रल हुने लक्ष्य राखेको बताएको थियो। जसमा ग्राहकहरूले घरमा धेरै पावर ब्याकअप र चार्जरहरू राखेकाले कम्पनीका अनुसार, यो प्रस्ताव नगर्नु वातावरणका लागि बढी फाइदाजनक हुने बताएको थियो।
यसबारेमा संसारभरका सरकारहरूले एप्पललाई मुद्दा हालेका छन् वा स्पष्टीकरणको लागि सोधेका छन्।
प्रकाशित: २२ भाद्र २०७९, बुधबार
