काठमाडौं ।
डिक्सन टेक्नोलोजीज (इण्डिया) लिमिटेडले गुगलसँग एन्ड्रोइड र गुगल टिभी सम्बन्धी सब-लाइसेन्स अधिकारहरू प्राप्त गरेको सोमबार बताएको छ। कम्पनीले भारतमा पहिलो कन्ट्र्याक्ट निर्माता बन्नको लागि सम्झौतामा हस्ताक्षर गरेको छ।
भारतले “मेक इन इण्डिया” र “आत्मनिर्भर भारत” लाई सक्रिय रूपमा प्रोत्साहित गर्ने क्रममा, भारतको प्रमुख ईएमएस प्रदायकहरू मध्ये एक, डिक्सन टेक्नोलोजीले भारतमा एन्ड्रोइड र गुगल टिभी सम्बन्धी उप-लाइसेन्स अधिकारहरू प्राप्त गरेको हो।
नयाँ साझेदारीले कम्पनीले आफ्ना विद्यमान ग्राहकहरू र सम्भावित नयाँ ब्रान्डहरूलाई लागत-प्रभावी, निरन्तर, उच्च गुणस्तर र आउट अफ बक्स अनुभव प्रदान गर्न सक्षम बनाउनेछ जसले एलईडी टिभी क्याटगरीमा फर्मको बजार नेतृत्वलाई अझ बलियो बनाउने एक प्रेस विज्ञप्तिमा भनिएको छ।
“गुगल एक प्रतिष्ठित कम्पनी हो र म तिनीहरूले डिक्सनलाई प्रदान गरेको विश्वासबाट हर्षित र प्रोत्साहित छु। स्ट्रिमिङको ल्यान्डस्केप बढ्दै जाँदा, ग्राहकले मल्टिपल विकल्पहरूको माग गर्दछन र डिक्सनको उत्पादन प्रस्तावहरू त्यस्ता आवश्यकताहरूको जवाफ दिन तयार छन्,” डिक्सन टेक्नोलोजीका उपाध्यक्ष र प्रबन्ध निर्देशक अतुल बी लालले भने।
सन् १९९३ मा स्थापना भएको, डिक्सन टेक्नोलोजी लिमिटेड एक भारतीय स्वदेशी उत्पादन कम्पनी हो जसले विश्वभरका ग्राहकहरूका लागि सेट-टप बक्सहरू, मोबाइल फोनहरू र एलईडी टिभी प्यानलहरू सहितका उपकरणहरु निर्माण गर्दछ।
प्रकाशित: २२ भाद्र २०७९, बुधबार
