काठमाडौं ।
पछिल्ला केही महिनायता भारतमा विद्युतीय स्कुटरमा आगलागीका धेरै घटनाले ग्राहकदेखि सरकारसम्म सबैलाई चिन्तित बनाएको छ। बढ्दो घटनालाई देखेर भारत सरकारले पनि आगलागीका घटनाको छानबिन गर्न विशेष समिति गठन गरेको थियो।
अब, पछिल्लो एक रिपोर्टले विद्युतीय स्कुटरमा आगलागी हुने घटनालाई लिएर विद्युतीय स्कुटर निर्मातालाई कारण देखाउ सूचना पठाएपछि केन्द्र सरकारले अब ती सवारी साधनमा असुरक्षित ब्याट्री प्याक प्रयोग गरेको आरोपमा जरिवाना गर्ने योजना बनाएको छ।
भारतीय मिडिया मिन्टको रिपोर्टअनुसार भारत सरकारले विद्युतीय दुई पाङ्ग्रे सवारी उत्पादकहरूलाई जरिवाना लगाउने योजना बनाएको छ जसको विद्युतीय स्कुटरमा हालसालै आगो लागेको थियो।
तर, विद्युतीय सवारीसाधन (इभी) उद्योग प्रारम्भिक चरणमा रहेकाले भारतीय सरकारले यी कम्पनीविरुद्ध कुनै गम्भीर कारबाही गर्ने योजना नरहेको पनि प्रतिवेदनमा उल्लेख छ, तर सरकारले जरिवाना गुणस्तरमा सम्झौता गर्ने कम्पनीहरूको लागि अवरोधको रूपमा काम गर्ने अपेक्षा गरेको छ।
यसअघि भारतीय सरकारले सबै विद्युतीय स्कुटर निर्माता नोटिस पठाएर आगलागीको बारेमा सोधेको थियो।
प्रकाशित: ६ भाद्र २०७९, सोमबार
