काठमाडौं ।
एलजी इलेक्ट्रोनिक्सले हालका र पूर्व कर्मचारीहरूलाई उनीहरूले विकास गर्न मद्दत गरेको पेटेन्टको लागि क्षतिपूर्ति प्रस्ताव गरेको छ। कम्पनीले यस्तो क्षतिपूर्ति प्रस्ताव गरेको यो पहिलो पटक भएको द इलेकले रिपोर्ट गरेको छ।
“एलजी इलेक्ट्रोनिक्सले हाल करिब ५० ओटा मुद्दामा कर्मचारीहरूसँग पेटेन्टको विषयमा संलग्न भएको छ, जसले सम्भवतः यस कदमलाई प्रोत्साहित गरेको छ,” स्रोतहरूले भनेको समाचारमा उल्लेख छ।
कम्पनीले अप्रिलमा पहिलो त्रैमासिकमा पेटेन्टबाट करिब ८०० अर्ब वोन नाफा कमाएको बताएको थियो।
यसले यी प्याटेन्टहरूमा संलग्न कर्मचारीहरूलाई सम्पर्क गरेको थियो, जसमध्ये धेरै जसो स्ट्याण्डर्ड आवश्यक प्याटेन्टहरू हुन् र कर्मचारीहरुलाई केही मिलियन वोनदेखि केही मिलियन डलरसम्म प्रस्ताव गरिएको थियो।
यद्यपि कम्पनीले यी रकम तथ्याङ्कहरूमा कसरी गणना गरियो भन्ने कुरा कर्मचारीहरूसँग साझा गरेन।
सन् २०१४ देखि सन् २०२० सम्म, एलजी इलेक्ट्रोनिक्सले वार्षिक रूपमा दक्षिण कोरियामा ३,१०० देखि ४,६०० पेटेन्टहरू दाखिल गरेको छ।
यी मध्ये लगभग १,२०० देखि २,००० प्रति वर्ष दर्ता गरिएको थियो। कम्पनीले प्रत्येक वर्ष अमेरिकामा अझ बढी पेटेन्ट फाइल गर्ने सोचाइमा छ।
गत वर्ष मोबाइल व्यवसायबाट बाहिरिए पनि एलजी इलेक्ट्रोनिक्सले पछि सम्बन्धित पेटेन्टका लागि इजाजतपत्र दिने निर्णय गरेको थियो।
दक्षिण कोरियाली इलेक्ट्रोनिक्स निर्माता कम्पनीले उनीहरूबाट धेरै नाफा कमाए पनि पेटेन्टको क्षतिपूर्ति कछुवा गतिमा गरेको भन्दै लगातार आलोचना भइरहेको थियो।
प्रकाशित: ३१ श्रावण २०७९, मंगलवार
