काठमाडौं ।
रुसी बजारमा चिनियाँ स्मार्टफोन ब्राण्ड टेक्नोले एप्पललाई उछिनेर अग्रता कायम गर्न सफल भएको छ। एमटीएसको एक रिपोर्टको तथ्यांकलाई उद्धृत गर्दै कोमरसान्टकाअनुसार, चिनियाँ ब्रान्डहरूले जुलाई २०२२ मा रूसी स्मार्टफोन बजारको नेतृत्व गरे।
शाओमीले ४२ प्रतिशत बजार हिस्सा ओगटेको थियो भने रियलमी र टेक्नो सामसङ र एप्पलको अतिरिक्त शीर्ष पाँचमा परेका छन्।
यद्यपि शाओमीको ठूलो बजार हिस्सा थियो भने रियलमीले उच्चतम वृद्धि दर्ता गर्यो। चिनियाँ ब्राण्डले बिक्रीको हिसाबले सामसङ र एप्पललाई पछि पार्दै दोस्रो स्थानमा कब्जा जमाएको छ। यसको बजार हिस्सा जुनमा १३.४ प्रतिशतबाट बढेर जुलाईमा १७ प्रतिशत पुगेको छ ।
टेक्नोले पनि एप्पललाई ०.५ प्रतिशत बजार हिस्साले उछिन्यो। यो ७.५% सेयरका साथ चौथो र एप्पल ७% सेयरका साथ पाँचौं स्थानमा रहेको छ। जबकि सामसङ ८.५ प्रतिशत शेयरका साथ तेस्रो स्थानमा छ।
जून महिनामा रुसमा एप्पल र सामसङको बजार हिस्सा क्रमशः ९.७% र १०.९% थियो।
राजस्वको कुरा गर्दा, शाओमी ३५% सेयरको साथ यस सन्दर्भमा पनि पहिलो थियो। जबकि एप्पल २५ प्रतिशत सेयरका साथ दोस्रो स्थानमा छ।
जुलाईमा ३६.७ अर्ब रूबल मूल्यका २३ लाख स्मार्टफोनहरू बिक्री भएका थिए जसको औसत बिक्री मूल्य ६ प्रतिशतले घटेर १६.१ हजार रुबल भएको छ।
प्रकाशित: ३० श्रावण २०७९, सोमबार
