काठमाडौं ।
अन्तर्राष्ट्रिय दूरसञ्चार संघ (आईटीयू) ले ओमानको सल्तनतसँग सहयोग सम्झौतामा हस्ताक्षर गरेर अन्तरिक्ष निगरानी स्टेशनहरूको विश्वव्यापी नेटवर्क विस्तार गरेको छ।
सम्झौता अन्तर्गत, ओमानले रेडियो नियमहरूको धारा १५ बमोजिम हानिकारक रेडियो फ्रिक्वेन्सी हस्तक्षेपका घटनाहरूलाई सम्बोधन गर्न मद्दत गर्ने अत्याधुनिक स्याटेलाइट अनुगमन सुविधाहरू प्रदान गर्नेछ।
ओमानका सात अर्थ स्टेशनहरूले भू-स्थिर कक्षमा १६ डिग्री पश्चिम र १३३ डिग्री पूर्वको देशान्तरको बीचमा स्याटेलाइट (भूउपग्रह)हरूबाट उत्सर्जनको निगरानी गर्नेछन्, यसले फ्रिक्वेन्सी ब्यान्डहरूमा ८० मेगाहर्ज देखि ४० गीगाहर्जसम्म अनुगमन सञ्चालन गर्दछ।
यसअघि नै आईटीयूले बेलारुस, ब्राजिल, चीन, जर्मनी, पाकिस्तान, कोरिया गणतन्त्र र भियतनामसँग यस्तै सम्झौता गरेको प्रेस विज्ञप्तिमा जनाएको छ।
“यी परिष्कृत अन्तरिक्ष अनुगमन क्षमताहरूले स्याटेलाइट संचार र अन्य अन्तरिक्ष सेवाहरूको उच्च विश्वसनीयता सुनिश्चित गर्न जारी राख्नेछ,” आईटीयू रेडियो कम्युनिकेसन ब्यूरोका निर्देशक मारियो मनीविचले उल्लेख गरे।
आईटीयूले यसका सदस्य राष्ट्रहरू र विश्वव्यापी रूपमा अन्य अन्तरिक्ष सरोकारवालाहरूसँग काम गर्दै सबै प्रकारका रेडियो सञ्चारहरूमा हानिकारक हस्तक्षेपका घटनाहरूको रिपोर्टहरू सङ्कलन र प्रशोधन गर्दछ।
संयुक्त राष्ट्र संघको विशेष एजेन्सीको रूपमा यसको जिम्मेवारीहरूमा रेडियो रेगुलेसनहरू, रेडियो फ्रिक्वेन्सी स्पेक्ट्रम प्रयोगलाई नियन्त्रित गर्ने बाध्यकारी अन्तर्राष्ट्रिय सन्धिको व्यवस्थापन समावेश छ।
उपग्रह जडानको द्रुत बृद्धि र विस्तारको अर्थ पनि हस्तक्षेपको बढ्दो जोखिम हो। अन्तरिक्ष सेवा र स्याटेलाइट सञ्चारको उच्चतम विश्वसनीयता सुनिश्चित गर्न निरन्तर अनुगमन र अन्तर्राष्ट्रिय समन्वय महत्त्वपूर्ण छ।
आईटीयूको स्याटेलाइट हस्तक्षेप रिपोर्टिङ र रिजोल्युसन प्रणाली (एसआईआरआरएस) ले सरकार र अन्य अन्तरिक्ष सरोकारवालाहरू (स्याटेलाइट अपरेटरहरू, अन्तरिक्ष एजेन्सीहरू, र अन्य सहभागी संस्थाहरू) लाई तिनीहरूको सम्बन्धित प्रशासनहरूमार्फत अन्तरिक्ष सेवाहरूलाई असर गर्ने कुनै पनि हानिकारक हस्तक्षेप रिपोर्ट गर्न सक्षम बनाउँछ।
प्रकाशित: २७ श्रावण २०७९, शुक्रबार
