काठमाडौं ।
अटोमोटिभ ब्रान्ड नियोको पहिलो फोन फास्ट चार्ज हुने ब्याट्री भएको फ्ल्यागशिप हुने अटो स्टिङरले रिपोर्ट गरेको छ। कम्पनीका संस्थापकले वर्षमा एउटा फोन लन्च गर्ने योजना रहेको र यसलाई प्रभावशाली बनाउन चाहेको बताएका छन्।
स्रोतहरूले दाबी गरेअनुसार नियो फोन फ्ल्यागशिप क्वालकम चिपसेटद्वारा संचालित हुनेछ। अहिले यसको अर्थ स्न्यापड्रागन ८ प्लस जेन १ हो, यद्यपि प्रक्षेपण अर्को वर्षको लागि तय गरिएको हुनाले यो सम्भवतः ८ जेन २ समेत हुन सक्नेछ।
नियोसँग यसअघि नै क्वालकम चिप्सको अनुभव छ, यसको कार इन्फोटेनमेन्ट प्रणाली स्न्यापड्रागन ८१५५ मा चल्छ, जुन स्न्यापड्रागन ८५५ जस्तै अटोमोटिभ चिपसेट हो।
कम्पनीले आफ्नै सफ्टवेयर, नियो ओएस पनि विकास गरेको छ। निओले कथित रूपमा आफ्ना उत्पादनहरूमा एकीकृत अनुभवको लागि लक्ष्य राखेको छ, त्यसैले यसले आफ्नो फोनलाई पावर गर्न एन्ड्रोइडको अनुकूलित संस्करण तयार गर्ने रिपोर्टमा उल्लेख छ।
फास्ट चार्जिङको लागि फोनले क्वालकमको क्विक चार्जमा आधारित प्रणाली प्रयोग गरी १०० वाटमा ब्याट्री रिफिल गर्नेछ। यसमा ४,५०० देखि ४,८०० एमएएचको कुल क्षमताको डुअल-सेल ब्याट्री हुनेछ र पूर्ण चार्ज हुन लगभग २५ मिनेट लाग्नेछ।
फोनमा कर्भ क्यूएचडी प्लस डिस्प्ले हुनेछ। कम्पनीले अल्ट्रासोनिक फिंगरप्रिन्ट रिडर र अगाडि पञ्च होल क्यामरा डिजाइन रोजेको छ।
यसको मूल्य ५ हजार चिनियाँ युआन भन्दा माथि हुने अनुमान गरिएको छ।
प्रकाशित: २६ श्रावण २०७९, बिहीबार
