काठमाडौं ।
विश्व रोबोट सम्मेलन २०२२ (डब्लुआरसी २०२२) अगस्ट १८ देखि २१ सम्म बेइजिङमा आयोजना हुने बेइजिङ एसोसिएसन फर साइन्स एण्ड टेक्नोलोजीले जनाएको छ।
सम्मेलनको क्रममा, ५०० भन्दा बढी रोबोटका सेटहरू प्रदर्शन गरिनेछ र ती मध्ये ३० भन्दा बढीले बेइजिङमा आफ्नो विश्व डेब्यू गर्ने चिनियाँ समाचार एजेन्सी शिन्ह्वाले जनाएको छ।
अनलाइन र अफलाइन दुवै प्रकारले सञ्चालन हुने सम्मेलनमा फोरम, एक्स्पो र प्रतिस्पर्धा गरी तीनवटा प्रमुख कार्यक्रम राखिएको छ।
डब्लुआरसी २०२२ले १५ देश र क्षेत्रहरूबाट ३०० भन्दा बढी अतिथिहरूलाई आमन्त्रित गरेको छ, जसले फोरममा रोबोटिक्सको क्षेत्रमा अत्याधुनिक शैक्षिक उपलब्धिहरू र विकास प्रवृत्तिहरू साझा गर्नेछन्।
एक्स्पोमा चिकित्सा सेवा, लजिस्टिक, कृषि, वास्तुकला, निर्माण र खनन जस्ता एप्लिकेसन परिदृश्यहरूमा रोबोटहरू प्रदर्शनी हुनेछन्।
प्रकाशित: २५ श्रावण २०७९, बुधबार
