काठमाडौं ।
गेमिङ बजारमा नेटफ्लिक्सको प्रवेश एक ढिलो सुरुवात हो। भिडियो स्ट्रिमिङको लागि अग्रपंतिमा रहेपनि गेमिङमा भने कम्पनीको अवस्था कमजोर देखिएको छ।
सीएनबीसीको तर्फबाट एप्टोपियाद्वारा गरिएको विश्लेषण अनुसार, स्ट्रिमिङ जायन्टका गेमहरू कुल २ करोड ३३ लाख पटक डाउनलोड गरिएका छन् र औसतमा लगभग १७ लाख दैनिक प्रयोगकर्ताहरू छन्।
अर्को अर्थमा, नेटफ्लिक्सको २२ करोड १० लाख ग्राहकहरु मध्ये एक प्रतिशत भन्दा कमले मात्र गेमको लाभ उठाउँदै आएका छन्।
गतवर्षपनि यसले आफ्नो गेमिङ डिभिजन तुरुन्तै लाभदायक हुने अपेक्षा गरेको थिएन। “हामी प्रयोगात्मक हुन जाँदैछौं र धेरै चीजहरू प्रयास गर्नेछौं,” नेटफ्लिक्सका सीओओ ग्रेग पीटर्सले गत वर्ष कम्पनीको चौथो-क्वार्टर आय कलहरूमा लगानीकर्ताहरूलाई भनेका थिए।
नेटफ्लिक्सले आफ्नो पोर्टफोलियो बलियो बनाउन पछिल्लो समय गेमिङ क्षेत्रलाई पनि प्राथमिकतामा राखेको छ। यसैको लागि कम्पनीले अन्य गेमिङ कम्पनीहरू समेत खरिद गरेको छ।
तर नेटफ्लिक्सले सोचेजस्तो यसको गेमिङ क्षेत्रमा प्रयोगकर्ताहरूको रूचि देखिएको छैन।
सुरूका दिन नेटफ्लिक्सको गेमिङ क्षेत्रमा जम्मा पाँच ओटा अनलाइन गेमहरू थिए। हाल करिब दुई दर्जन गेम समावेश भइसकेको छ।
यस वर्षको सुरुमा, कम्पनीले नेक्स्ट गेम्स प्राप्त गर्न ७ करोड २० लाख डलर भुक्तान गर्यो, जुन स्ट्रेंजर थिंग्स: पजल टेल्सको पछाडिको स्टुडियो हो। हालसालै, यसले स्पिरिटफेरर र इनटू द ब्रीच जस्ता प्रिय इन्डी शीर्षकहरूमा विशेष मोबाइल अधिकारहरू सुरक्षित गरेको छ।
कम्पनीले सन् २०२२ को अन्त्यसम्ममा ५० ओटा गेमहरु समावेश गर्ने योजना बनाएको छ।
प्रकाशित: २५ श्रावण २०७९, बुधबार
