एप्पल र गुगलसँग नक्कली क्रिप्टो एपहरूको जानकारी माग्दै अमेरिकी सिनेट

काठमाडौं ।

विश्वव्यापी टेक कम्पनी एप्पल र गुगल माथि अमेरिकामा नक्कली क्रिप्टो एपहरूसँग व्यवहार गर्ने तरिकाबारे अनुसन्धान शुरु गरिएको छ। अमेरिकी अधिकारीहरूले क्रिप्टो खण्डमा हुने घोटालाहरूको बढ्दो संख्याको कारणले यस खण्डलाई कडाइका साथ छानबिन गरिरहेका छन्।

एक अनुमानका अनुसार, यी घोटालाहरूले गत वर्षको सुरुदेखि यस वर्षको मार्चसम्म अमेरिकामा क्रिप्टो लगानीकर्ताहरूलाई एक अर्ब डलरभन्दा बढीको नोक्सान पुर्याएको छ।

अमेरिकी सिनेटमा बैंकिङ समितिका प्रमुख शेरोड ब्राउनले यी कम्पनीहरूलाई आफ्नो एप स्टोर र प्लेस्टोरमा उपलब्ध क्रिप्टो-सम्बन्धित एपहरूका साथै नक्कली एपहरूसँग व्यवहार गर्ने तरिकाहरू बताउन आग्रह गर्दै पत्र पठाएका छन्।

फेडरल ब्यूरो अफ इन्भेस्टिगेशन (एफबीआई) ले हालै चेतावनी दिएको छ कि नक्कली क्रिप्टो एपहरूले लगानीकर्ताहरूलाई ठूलो नोक्सान पुर्याइरहेको छ।

भर्खरै जारी गरेको एफबीआई प्रतिवेदनले उल्लेख गरेअनुसार २४४ लगानीकर्ताहरूलाई स्क्यामयुक्त क्रिप्टोकरेन्सी एपहरूमार्फत ४२.७ अर्ब डलर घोटाला गरिएको छ जसलाई एक वर्ष भन्दा कम अवधिमा विश्वसनीय लगानी प्लेटफर्महरू भएको दाबी गरिएको छ र सोही आधारमा ब्राउनले चासो लिएका छन्।

पत्रमा, ब्राउनले भने, “साइबर अपराधीहरूले फर्महरूको लोगो, नाम र अन्य पहिचान गर्ने जानकारी चोरेर नक्कली मोबाइल एपहरू सिर्जना गरेका छन्। यसकारण एप स्टोरहरूले सुरक्षा उपायहरू गर्न आवश्यक बनाउँछ।”

यी कम्पनीहरूलाई पत्रमा सोधिएको थियो, “तपाईंको एप स्टोरले नक्कली क्रिप्टो एपहरूलाई हटाउन कारबाही गरेको छ कि छैन? यदि छ भने, कृपया जानकारी दिनुहोस्।” यसबारेमा एप्पल र गुगलबाट आउने जवाफको प्रतिक्षा गरिएको छ।

हालै, हलिउड निर्माता रायन फेल्टनले क्रिप्टो स्क्याम गरेको एक मामिला सार्वजनिक भएको थियो। रिपोर्टअनुसार फेल्टनले आफ्नो बढ्दो खर्च पूरा गर्न क्रिप्टो लगानीकर्ताहरूलाई धोका दिएका थिए। केही ठूला फिल्म प्रोजेक्टमा संलग्न रहेका फेल्टनले क्रिप्टो स्क्यामबाट करिब २५ लाख डलर प्राप्त गरेको बताइएको छ। क्रिप्टो स्क्याम दुई इनिशियल क्वाइन अफरिङ (आईसीओ) मार्फत गरिएको थियो। एउटा ‘FLiK’ नामक स्ट्रिमिङ प्लेटफर्मको लागि थियो र अर्को क्रिप्टो एक्सचेन्ज क्वाइनस्पार्कको लागि गरिएको थियो।

स्ट्रिमिङ प्लेटफर्म फ्लिकको लागि गरिएको प्रमोशनमा यसले नेटफ्लिक्सलाई पार गर्ने दावी गर्यो। क्वाइनस्पार्कको आईसीओमा, एक्सचेन्जको नाफाको २५ प्रतिशत लाभांशको रूपमा दिइने लगानीकर्ताहरूलाई भनिएको थियो।

लगानीकर्ताहरूले यी दुवै आईसीओहरूमा चासो लिए तर फेल्टनले मात्र तिनीहरूबाट प्रतिफल प्राप्त गरे। जसमा फेल्टनलाई मनी लन्ड्रिङ र धोखाधडीको आरोप लगाइएको थियो।