सामसङले ४५० मेगापिक्सेलको क्यामरा सेन्सर परीक्षण गर्दै

काठमाडौं ।

सामसङले भर्खरै २०० मेगापिक्सेल आईएसओसेल एचपी ३ क्यामरा सेन्सर लन्च गर्यो, जुन आगामी फ्ल्यागशिप स्मार्टफोनमा प्रयोग गर्न सकिनेछ। तर सो क्यामरासहितको फोन बजारमा आउन नपाई अब अर्को रिपोर्ट आएको छ, जसअनुसार कम्पनीले ४५० एमपी आईएसओसेल क्यामरा सेन्सरको परीक्षण गरिरहेको छ।

यस्तो देखिन्छ कि सामसङले आगामी दिनहरूमा डीएसएलआर प्रतिस्थापन गर्ने तयारी गरिरहेको छ। यो क्यामरा सेन्सर हेक्जा२पिक्सेल (Hexa2pixel) को रूपमा ट्रेडमार्क गरिएको छ।

रिपोर्टका अनुसार, सामसंगको यो उच्च-रिजोल्युसन क्यामरा सेन्सर दक्षिण कोरियाको किप्रिस र युरोपको टिएमभ्यूमा देखाइएको छ।

यद्यपि, यसको रिजोल्युसन कम्पनीको ट्रेडमार्कमा कतै उल्लेख गरिएको छैन। साथै, सामसंगको यो  ४५० एमपी क्यामरा सेन्सर कहिले लन्च हुनेछ भन्ने बारे कम्पनीले कुनै विवरण खुलाएको छैन।

आईएसओसेल एचपी ३ क्यामरा सेन्सरले एटके (8K) भिडियो रेकर्ड गर्ने

सामसंगले गत महिना २०० एमपीको आईएसओसेल एचपी ३ क्यामरा सेन्सर प्रस्तुत गर्यो, जसले आगामी फ्ल्यागशिप फोनमा १०८ आईएसओसेल एचपी १ क्यामरा सेन्सरलाई प्रतिस्थापन गर्न सक्छ। हालैको रिपोर्ट अनुसार, यो २०० एमपी क्यामरा सेन्सर सामसङ ग्यालेक्सी एस२३ श्रृंखलामा प्रयोग गरिनेछ।

सामसंगको २०० एमपी आईएसओसेल एचपी ३ क्यामराले क्यूपीडी अटो फोकस र टेट्रा२पिक्सेल (Tetra2pixel) प्रविधि प्रयोग गर्दछ। दक्षिण कोरियाली कम्पनीले यो वर्षको जुनमा यो प्रविधि सार्वजनिक गरेको थियो । सामसङले यो क्यामेरा सेन्सरले न्यूनतम फिल्ड-अफ-भ्यू हानिको साथ ३०-फ्रेम प्रति सेकेन्डमा ८के भिडियो खिच्न सक्ने दावी गरेको छ।

सामसंगले मोटोरोलाको आगामी फोन फ्रन्टियरमा आफ्नो पुरानो आईएसओसेल एचपी १ इमेज सेन्सरको साथ २०० एमपी क्यामरा प्रयोग गर्नेछ। एकै साथ, नयाँ आईएसओसेल एचपी ३ क्यामरा सेन्सर ग्यालेक्सी एस२३ सिरिजमा प्रयोग गर्न सकिने बताईएको छ।