काठमाडौं ।
सूचना प्रविधि तथा औद्योगिक पार्क निर्माण गर्ने निजी क्षेत्रसँग बैंकहरुले महँगो ब्याज लिन नपाउने भएका छन्।
नेपाल राष्ट्र बैंकले चालु आर्थिक वर्ष २०७९/८० को मौद्रिक नीति मार्फत् सूचना प्रविधि तथा औद्योगिक पार्क निर्माणका लागि लिइने कर्जाको ब्याजदर निर्धारण गरिदिएको हो।
गभर्नर महाप्रसाद अधिकारीले निजी क्षेत्रलाई सूचना प्रविधि तथा औद्योगिक पार्क निर्माण कर्जा प्रवाह गर्दा आधार दरमा अधिकतम २ प्रतिशत विन्दु प्रिमियम थप गरि ब्याजदर लिने व्यवस्था गरिने बताएका हुन्।
यसकारण अब बैंक तथा वित्तीय संस्थाहरुले सूचना प्रविधि तथा औद्योगिक पार्क निर्माण गर्ने निजी क्षेत्रसँग आधार दरमा अधिकतम २ प्रतिशत विन्दु प्रिमियम मात्र थप गरेर ब्याज लिन पाउने भएका छ्न्।
प्रकाशित: ६ श्रावण २०७९, शुक्रबार
