काठमाडौं ।
भर्जिन अर्बिटले क्यालिफोर्नियाको मोजाभ एयर र स्पेस पोर्टबाट शनिबार स्थानीय समय बिहान १०:४९ मा सातओटा स्याटेलाइट (भूउपग्रह) बोकेको रकेट प्रक्षेपण गरेको छ। कम्पनीले यसअघिको सानो स्याटेलाइट लन्चरको पहिलो सफल रात्रि अभियानलाई अगाडी बढाउँदै स्याटेलाइट अन्तरिक्षमा लगेको द भर्जले उल्लेख गरेको छ।
कम्पनीले आफ्नो बोइङ ७४७ क्यारियर विमान ‘कस्मिक गर्ल’को सहयोगमा भूउपग्रहहरूलाई पृथ्वीको तल्लो कक्षमा ल्याएको थियो, जसको एउटा पखेटा मुनि लन्चरवन (LauncherOne) रकेट जोडिएको थियो।
१९८८ पाउला अब्दुलको गीतको आधारमा राखिएको ‘स्ट्रेट अप’ भनिने मिशनमा नासाको अन्तरिक्ष परीक्षण कार्यक्रमको भागको रूपमा सातओटा अनुसन्धान स्याटेलाइटहरू समावेश थिए।
रिपोर्टकाअनुसार यसका अघिल्ला मिसनहरू जस्तै, भर्जिन अर्बिटले कस्मिक गर्ललाई लन्चरवन रकेट जमिनबाट ३५,००० फिट माथि बोकेर स्याटेलाइटहरूलाई अन्तरिक्षमा प्रोपेल्ड गर्यो। जतिबेला रकेटले अलग हुनु र यसको पेलोडलाई कक्षमा प्रक्षेपण गर्नु अघि हेडस्टार्ट दियो।
भर्जिन अर्बिटले सुरुमा आफ्नो रकेट प्रोपेलेन्टको तापक्रम “सीमाभन्दा अलि बाहिर” भएको पत्ता लगाएपछि बिहीबारको अभियान स्थगित गरेको थियो।
भर्जिन अर्बिटले अहिलेसम्म कुल पाँचओटा प्रक्षेपण प्रयासहरू गरेको छ, तर मे २०२० मा पहिलो परीक्षण उडानको क्रममा एक पटक मात्र असफल भयो। यो जनवरी २०२१ मा कक्षमा पहिलो पटक पुगेको थियो। भर्जिन अर्बिटको स्ट्रेट अप मिसन कम्पनीको अहिलेसम्मको चौथो सफल उडान हो।
भर्जिन अर्बिट ब्रिटिश अर्बपति रिचर्ड ब्रान्सनको स्वामित्वमा छ, र व्यावसायिक अन्तरिक्ष उडानका लागि कम्पनीको छुट्टै शाखा भर्जिन ग्यालेक्टिक पनि हरेको छ।
भर्जिन अर्बिटले यस वर्षको अन्त्यमा इङ्गल्याण्डको कर्नवालबाट उडान भर्ने योजना बनाएको छ।
प्रकाशित: २० असार २०७९, सोमबार
