काठमाडौं ।
फ्रान्सेली रक्षा कम्पनी थालेसले देशको सबैभन्दा संवेदनशील डाटाको भण्डारणको लागि राज्यद्वारा परीक्षण गरिएको क्लाउड कम्प्युटिङ्ग सेवाहरू शुरु गर्ने भएको छ। यसको लागि थालेसले गुगलसँगको साझेदारीमा एस३एनएस (S3NS) नामक नयाँ फर्म सिर्जना गरेको छ।
नयाँ कम्पनी युरोपको सबैभन्दा ठूलो रक्षा इलेक्ट्रोनिक्स आपूर्तिकर्ता थालेस र अल्फाबेट इकाई गुगल बीच गत वर्ष सहमति गरिएको गठबन्धनको परिणाम हो, जुन सरकारी योजना अन्तर्गत फ्रान्सले अमेरिकी प्राविधिक श्रेष्ठतालाई स्वीकार गरेको रोयटर्सले रिपोर्ट गरेको छ।
गुगल र माइक्रोसफ्टले बजार नेता अमेजन डटकमको अमेजन वेब सर्भिसेजसँगै, क्लाउड कम्प्युटिङमा विश्वव्यापीरूपमा प्रभुत्व जमाउँछन्। जसले युरोपमा अमेरिकाले गर्नसक्ने निगरानीको जोखिमलाई लिएर चिन्ता बढाएको छ।
फ्रान्सेली सरकारले गुगल र माइक्रोसफ्टद्वारा विकसित क्लाउड कम्प्युटिङ सेवाहरू फ्रान्सको सबैभन्दा संवेदनशील राज्य र कर्पोरेट डाटा भण्डारण गर्न प्रयोग गर्न सकिने बताएको छ। जसमा डाटा केन्द्रहरू देशमा अवस्थित हुनेछन् र फ्रान्सेली कम्पनीहरूलाई सेवाहरूको लागि इजाजतपत्र दिइएको छ।
एस३एनएसमा थालेसको बहुमतको स्वामित्वमा रहेको छ, जसको गुगलद्वारा विकसित सेवाहरूको व्यावसायीकरणमा पूर्ण नियन्त्रण भएको यसले बताएको छ। गुगलको हिस्सेदारी खुलासा गरिएको छैन।
रिपोर्टकाअनुसार एस३एनएसको सेवा सन् २०२४ को दोस्रो अर्धवार्षिकदेखि शुरु हुने बताईएको छ।
प्रकाशित: १७ असार २०७९, शुक्रबार
