काठमाडौं ।
इभी सम्बन्धी सबै थोक उत्पादन गर्ने दौड विश्वव्यापीरूपमा बढ्दै गएको सन्दर्भमा दक्षिण कोरियाली एलजी इलेक्ट्रोनिक्सले विद्युतीय गाडीको ब्याट्री चार्जर विकासकर्ता एप्पलम्याङ्गोलाई अधिग्रहण गरेको छ।
इभी चार्जिङ स्टेसन अपरेटर जीएस इनर्जी र आईटी प्रदायक जीएस नियोटेकसँग संयुक्त रूपमा गरिएको अधिग्रहणले एलजीलाई भविष्यका व्यापार अवसरहरूको फाइदा उठाउन अनुमति दिने कम्पनीले भनेको छ।
“पर्यावरणमैत्री सवारी साधनको बढ्दो मागका कारण ईभी चार्जिङ बजार द्रुत रूपमा बढ्ने अपेक्षा गरिएको छ,” एलजी इलेक्ट्रोनिक्सका वरिष्ठ उपाध्यक्ष पाईक कि-मुनले एक विज्ञप्तिमा भने।
“हाम्रो वर्तमान अवस्थाको प्रतिस्पर्धात्मकता बढाउन र भविष्यका अवसरहरूको लागि हाम्रो तयारी सुनिश्चित गर्दै बीटूबी क्षेत्रमा हाम्रो ज्ञान र अनुभवको सदुपयोग गर्दै, हामी विभिन्न ग्राहकहरूका लागि अनुकूलित, एकीकृत भेहिकल चार्जिङ समाधानहरू प्रदान गर्नेछौं।”
एलजी इलेक्ट्रोनिक्सले ६० प्रतिशत सेयर अधिग्रहण गरेको छ भने जीएस इनर्जी र जीएस नियोटेकले एप्पलम्यांगोमा क्रमशः ३४ प्रतिशत र ६ प्रतिशत सेयर लिएको छ, जुन सम्झौतापछि एलजी इलेक्ट्रोनिक्सको सहायक कम्पनी हुने टेकक्रन्चले उल्लेख गरेको छ।
कम्पनीहरूले सम्झौताको वित्तीय सर्तहरू खुलासा गरेका छैनन्। एक स्थानीय मिडिया रिपोर्टका अनुसार, अधिग्रहणको आकार ७८ लाख डलर (१० अर्ब कोरियन वन) अनुमान गरिएको छ।
एलजी इलेक्ट्रोनिक्सले विद्युतीय सवारी, इन्टरनेट अफ थिंग्स (आईओटी) र बी२बी समाधानहरू जस्ता विकासका क्षेत्रहरूमा ध्यान केन्द्रित गर्न आफ्नो घाटामा चलिरहेको मोबाइल व्यवसाय बन्द गरेको झण्डै एक वर्षपछि यो कदम आएको हो।
एलजी इलेक्ट्रोनिक्सले दक्षिण कोरियामा इभी चार्जिङ अनुभवलाई चालकहरूका लागि रमाइलो र सजिलो बनाउन प्रयोगकर्ता-मैत्री इन्टरफेसहरू सिर्जना गर्ने आफ्नो विशेषज्ञताको लाभ लिन तयार छ। थप रूपमा, भी चार्जिङ व्यवसायमा प्रवेश गरेर, एलजीले आफ्नो इभी ब्याट्री विकास, ऊर्जा भण्डारण प्रणाली, ऊर्जा व्यवस्थापन समाधान र चार्जरहरू बीच थप तालमेल सिर्जना गर्न सक्ने कम्पनीले बताएको छ।
टेक जायन्टले निजी आवास, सपिङ मल, होटल र सार्वजनिक संस्थाका लागि अनुकूलित ईभी चार्जिङ समाधानहरू उपलब्ध गराउने लक्ष्य राख्दै यस वर्षको अन्त्यसम्म दक्षिण कोरियाको एलजी डिजिटल पार्कमा इभी चार्जर उत्पादन लाइन स्थापना गर्ने योजना बनाएको छ।
प्रकाशित: १३ असार २०७९, सोमबार
