काठमाडौं ।
केही दशकदेखि, एप्पल (र यसका साझेदारहरू) ले एप्पलका उत्पादनहरूसँग मात्र मिल्दो सामान र बाह्य सामग्रीहरू बेचेर पैसा कमाउँदै आएका छन। यो औसत ग्राहकहरुको लागी एक वास्तविक टाउको दुखाइ थियो। तर एप्पल र यसका फ्यानहरूको लागि यो निकै भिन्न हो।
भर्खरै, युरोपेली संघले आधिकारिक रूपमा चार्जरहरूको एकीकरण घोषणा गरेको छ। जसअनुसार २०२४ को अन्त्य सम्म, आईफोन सहित सबै स्मार्टफोनहरूले यूएसबी टाइप सी मार्फत चार्ज गर्न समर्थन गर्नुपर्छ।
नयाँ सम्झौताले मोबाइल फोनहरू, ट्याब्लेटहरू, ई-रीडरहरू, इयरबडहरू, डिजिटल क्यामराहरू, हेडफोनहरू र हेडसेटहरू, ह्यान्डहेल्ड भिडियो गेम कन्सोलहरू, तारयुक्त केबल, किबोर्डहरू, कम्प्युटर माइसहरू, र पोर्टेबल नेभिगेसन उपकरणहरू मार्फत रिचार्ज गर्न मिल्ने पोर्टेबल स्पिकरहरू जस्ता धेरै डिजिटल उपकरणहरूलाई समावेश गर्दछ।
यसले सबैभन्दा धेरै चिन्ता एप्पललाई दिएको छ किनकी एप्पलले आफ्ना सबैजसो डिभाइसहरुमा लाइटनिङ पोर्ट प्रयोग गर्दछ।
अब भने एप्पलले आईफोनमा पनि यूएसबी टाइप सी दिने संभावना देखिएको गीगचाइनाले रिपोर्ट गरेको छ।
हालै एक एप्पलको जानकारी लीक गर्ने ट्विटर प्रयोगकर्ताले दिएको जानकारीअनुसार एप्पलले आईफोन १५ श्रृंखलामा यूएसबी टाइप सी पोर्ट प्रयोग गर्ने प्रयास गर्नेछ। लाइनअपमा विभिन्न मोडेलहरू मध्ये, आईफोन १५ प्रोले यूएसबी टाइप सी पोर्ट प्रयोग गर्नेछ। जहाँ आईफोन १५ले लाइटनिङ पोर्ट प्रयोग गर्न जारी राख्नेछ।
आईफोन १६ सिरिजदेखि भने आईफोन १६ ले यूएसबी टाइप सी पोर्ट प्रयोग गर्नेछ। यसबाहेक, आईफोन १६ प्रोले पनि यूएसबी टाइप सी पोर्ट वा कुनै पोर्ट नभएको अवधारणामा रुपान्तरित हुनेछ। जसले गर्दा आईफोन १६का साथमा कम्पनीको लाइटनिंग इन्टरफेस बन्द हुने बताईएको छ।
यसअघि नै विश्लेषक मिङ-ची कुओले एप्पलले २०२३ को दोस्रो आधामा लाइटनिङ पोर्ट त्यागेर यूएसबी टाइप सी पोर्टमा स्विच गर्ने बताएका थिए। अर्थात्, अर्को वर्षको एप्पल आईफोन १५ (प्रो) सिरिज यूएसबी टाइप सी इन्टरफेस प्रयोग गर्ने पहिलो आईफोन मोडेल हुनेछ।
त्यसैगरी अर्का विश्लेषक मार्क गुरम्यानले पनि एप्पलले नयाँ यूएसबी टाइप सी मेसिनको परीक्षण गरिरहेको पुष्टि गरेका छन्।
प्रकाशित: ३० जेष्ठ २०७९, सोमबार
