काठमाडौं ।
विद्युतीय सवारीको बजारमा नयाँ कारले सबैको ध्यान तानिरहेको छ। माइक्रोलिनो नामको यो विद्युतीय गाडी देखेर मानिसहरु छक्क परेका छन्। यो सानो कार जस्तो देखिन्छ तर कम्पनीले यो चार पाङ्ग्रे विद्युतीय गाडी भएको बताएको छ। यो कार यति लोकप्रिय बन्दै गएको छ कि बजारमा आउनुअघि नै ३०,००० रिजर्भेसन भइसकेको छ।
माइक्रोलिनो एक स्विस डिजाइन इलेक्ट्रिक भेहिकल हो। यो कार जस्तो देखिन्छ तर यसलाई कार र मोटरसाइकलको बीचमा राखिएको छ। यसका धेरै कारण छन्। यसले कार भन्दा धेरै कम ठाउँ लिन्छ तर कार जस्तै सबै पक्षबाट कभर गरिएको छ। साथै भण्डारणका लागि ठाउँ पनि दिइएको छ। इभीमा दुई जना बस्न सक्छ र २३० लिटरको ट्रंक स्पेस छ।
आकर्षक विद्युतीय गाडीको तौल मात्र ५३५ केजी छ र यसको दायरा २३० किलोमिटरसम्म छ। विशेष कुरा यो हो कि यो ९० किलोमिटर प्रति घन्टाको गतिमा चल्न सक्छ। यसको आधार मोडेलले ११५ किलोमिटरसम्मको दायरा पाउँछ। कम्पनीकाअनुसार सहरमा कार चलाउने व्यक्तिले एकै पटक चार्जमा करिब एक सातासम्म कार चलाउन सक्नेछन्।
यो युरोपको क्लास एल ७ई गाडी हो जसको मतलब यो प्राविधिक रूपमा चार पाङ्ग्रे साइकल हो तर कम्प्याक्ट कार जस्तै डिजाइन गरिएको हो। यसमा युनिबडी चेसिस, सानो ब्याट्री र नाममात्र कार्बन फुटप्रिन्ट छ। यसको ९०% कम्पोनेन्ट युरोपमा बनाइन्छ। सवारीसाधनको ३० हजार रिजर्भेसन भइसकेको छ।
सबैभन्दा पहिले यसलाई स्विट्जरल्याण्डमा उपलब्ध गराउने अपेक्षा गरिएको छ, यसको मूल्य १५ हजार ३ सय ४० डलर हुनसक्छ। युरोपमा, यो १३,४०० डलरमा सूचीबद्ध छ। स्वीस ग्राहकहरुका लागि यसको डेलिभरी गर्मीमा सुरु हुनेछ, जबकि युरोपको अन्य भागहरुमा पछि लन्च हुनेछ।
माइक्रोलिनो इटालीको टुरिनमा रहेको कम्पनीको सुविधामा निर्माण भइरहेको छ। प्लान्टले आफ्नो उत्पादन क्षमता प्रति वर्ष १५०० सवारी साधनबाट प्रति वर्ष १० हजार सवारी साधनमा बढाउन सक्छ।
प्रकाशित: २९ जेष्ठ २०७९, आईतवार
