काठमाडौं ।
भिभो र जेडटिईलगायत धेरै चिनियाँ कम्पनीहरूको भारतीय एकाइहरू अनुसन्धानको क्रममा छन्। केन्द्र सरकारको कर्पोरेट मामिला मन्त्रालयले चिनियाँ कम्पनीबाट आर्थिक गडबढी र ठगी गरेको जानकारी अज्ञात स्रोतबाट प्राप्त भएको बताएका छन्। त्यसपछि कर्पोरेट मामिला मन्त्रालयले यी चिनियाँ कम्पनीहरुको भारतीय एकाइको खाता छानबिन गर्ने निर्णय गरेको छ।
ब्लुमबर्गको रिपोर्टअनुसार, अज्ञात स्रोतबाट प्राप्त कागजातमा भनिएको छ कि भिभोको खातामा अप्रिलमा अनुसन्धान गरिएको थियो, जसले स्वामित्व सहित विभिन्न प्रकारका वित्तीय अनियमितता र ठगीको खुलासा गरेको थियो। यसैबीच, अर्को चिनियाँ कम्पनी जेडटीईका लागि अधिकारीहरूलाई तत्काल खोजी रिपोर्ट पेश गर्न भनिएको छ।
यसअघि पनि भारतको केन्द्रीय सरकारको अनुसन्धान एजेन्सी ईडीले चिनियाँ स्मार्टफोन निर्माता शाओमीबाट आर्थिक अनियमितताका कारण ५,५५१ करोड भारतीय रुपैयाँ जफत गरेको थियो।
शाओमी बाहेक, केन्द्र सरकारले २०२० देखि ५०० भन्दा बढी चिनियाँ कम्पनीहरूको खाताको अनुसन्धान गरेको छ। यी कम्पनीहरूमा जेडटिई, भिभो, ओपो, ह्वावे टेक्नोलोजीज, अलिबाबा ग्रुपका धेरै भारतीय इकाइहरू आदि पर्छन्।
कर्पोरेट मन्त्रालयले चिनियाँ कम्पनीका भारतीय इकाईका सञ्चालक, शेयरधनी, लाभार्थी र मालिकको विवरण माग गरेको छ। समाचार रिपोर्टकाका अनुसार यी कम्पनीहरूमा भइरहेको अनुसन्धानको प्रतिवेदन जुलाईसम्म आउन सक्नेछ। जुलाईमा छानबिन प्रतिवेदन आएपछि यी चिनियाँ कम्पनीलाई कस्तो कारबाही गर्ने भन्ने निर्णय कर्पोरेट मन्त्रालयले गर्ने बताईएको छ।
प्रकाशित: १८ जेष्ठ २०७९, बुधबार
