काठमाडौं ।
अनुहार पहिचान गर्ने कम्पनी क्लियरभ्यू एआईलाई बेलायतको प्राइभेसी वाचडगले ७५ लाख पाउण्ड भन्दा बढी जरिवाना गरेको छ र बेलायतका बासिन्दाहरूको डाटा मेटाउन भनेको छ।
कम्पनीले विश्वव्यापी फेसियल रिकोग्निसन डाटाबेस सिर्जना गर्न इन्टरनेटबाट तस्बिरहरू सङ्कलन गर्दछ।
सूचना आयुक्तको कार्यालय (आईसीओ) ले कम्पनीले बेलायतको डाटा सुरक्षा कानूनको उल्लंघन गरेको बताएको छ।
यसले फर्मलाई बेलायतका बासिन्दाहरूको व्यक्तिगत डाटा प्राप्त गर्न र प्रयोग गर्ने काम बन्द गर्न आदेश दिएको बीबीसीले रिपोर्ट गरेको छ।
क्लियरभ्यू एआईका प्रमुख कार्यकारी होन टन थाटले भने, “बेलायती सूचना आयुक्तले मेरो प्रविधि र अभिप्रायको गलत व्याख्या गरेकोमा म धेरै निराश छु। हामी खुला इन्टरनेटबाट मात्र सार्वजनिक डाटा सङ्कलन गर्छौं र गोपनीयता र कानूनका सबै मापदण्डहरूको पालना गर्छौं।”
उनले समाजमा क्लियरभ्यू एआईको प्रविधिको गलत व्याख्याले गर्दा म निराश भएको बताए।
आईसीओकाअनुसार विश्वव्यापी रूपमा, कम्पनीले २० अर्ब बिलियन भन्दा बढी अनुहार तस्बिरहरू भण्डारण गरेको छ।
सामान्यतया प्लेटफर्मको जानकारी वा कुनै अनुमति बिना क्लियरभ्यू एआईले फेसबुक, इन्स्टाग्राम र अन्य स्रोतहरूबाट सार्वजनिक रूपमा पोस्ट गरिएका तस्बिरहरू लिन्छ।
बेलायती सूचना आयुक्त जोन एडवर्ड्सले भने, “कम्पनीले ती व्यक्तिहरूको पहिचान मात्र सक्षम बनाउँदैन, तर तिनीहरूको व्यवहारलाई प्रभावकारी रूपमा निगरानी गर्दछ र यसलाई व्यावसायिक सेवाको रूपमा प्रस्ताव गर्दछ। यो अस्वीकार्य छ।”
क्लियरभ्यू एआई इंकले अब बेलायती संगठनहरूलाई आफ्नो सेवाहरू प्रदान गर्दैन तर कम्पनीका अन्य देशहरूमा ग्राहकहरू छन्, र यसले अझै पनि बेलायतका बासिन्दाहरूको व्यक्तिगत डाटा प्रयोग गरिरहेको आईसीओले बताएको छ।
नोभेम्बर २०२१ मा,आईसीओलेले कम्पनीले १ करोड ७० लाख पाउण्डसम्मको जरिवाना सामना गरिरहेको बताएको थियो। र यो अहिले यसलाई तिर्न आदेश दिएको भन्दा लगभग १ करोड धेरै हो।
फ्रान्स, इटाली र अष्ट्रेलियापछि फर्म विरुद्ध कारबाही गर्ने बेलायत चौथो देश बनेको छ।
प्रकाशित: ११ जेष्ठ २०७९, बुधबार
