काठमाडौं ।
फक्सवागनले संयुक्त राज्य अमेरिकामा स्काउट ब्रान्डलाई पुनरुत्थान गर्न खोज्दै गर्दा, सीईओ हर्बर्ट डाइसले सो निर्णयमा प्रकाश पारेका छन्।
यसले जर्मन अटो जायन्टका लागि “अझ धेरै अमेरिकी बन्ने” अवसर प्रतिनिधित्व गर्दछ।
प्रोटोटाइपहरू २०२३ मा सार्वजनिक हुने र उत्पादन २०२६ मा सुरु हुने योजनाको साथ फक्सवागनले गत बुधबार स्काउटलाई पूर्ण-विद्युतीय पिक-अप र “रग्ड” एसयूभीको रूपमा पुन: लन्च गर्ने योजना घोषणा गर्यो।
सोही घोषणामा, कम्पनीले गाडीहरू अमेरिकी ग्राहकहरूको लागि अमेरिकामा डिजाइन, इन्जिनियर र निर्माण गरिने बताएकोछ।
“संयुक्त राज्य हाम्रो विकासको सबैभन्दा ठूलो अवसर हो,” डाइसले सीएनबीसीसँग भने।
अटोमेकरले कडा प्रतिस्पर्धात्मक अमेरिकी बजारलाई किन लक्षित गरिरहेको समेत उनले बताए।
“अमेरिकामा लगभग ४ प्रतिशत बजार साझेदारीको साथ हामी अझै पनि धेरै कच्चा, धेरै सानो छौं,” उनले भने। “हामी यस दशकको अन्त्यमा १० प्रतिशतसम्म बजार हिस्सा लिन चाहन्छौं।”
डाइसले इलेक्ट्रिक कारहरूसँग वास्तवमै राम्रो प्रगति गरिरहेको बताए।
यी गाडीहरूमा पूर्ण रूपमा विद्युतीय आईडी बज समावेश छ, जुन टी १ माइक्रोबस वा “हिप्पी” भ्यानबाट प्रेरित छ। आईडी बजको युरोपेली संस्करणहरू यस वर्ष बिक्रीमा जान तय गरिएको छ र एक अमेरिकी मोडेलको बिक्री २०२४ मा सुरु हुनेछ।
प्रकाशित: ३ जेष्ठ २०७९, मंगलवार
