काठमाडौं ।
एप्पलका सह-संस्थापक स्टीभ जब्सले वास्तविक आईफोनमा सिम कार्ड ट्रे नहोस् भन्ने चाहेका थिए किनभने उनी यो सहज डिभाइस होस् भन्ने चाहन्थे।
कम्प्युटर हिस्ट्री म्युजियमको विशेष कार्यक्रममा भर्खरैको अन्तर्वार्तामा, पूर्व आईपोड भीपी टोनी फडेल, जसलाई “आइपडको पिता” भनेर पनि चिनिन्छ, उनले खुलासा गरेअनुसार स्टीभ जब्स आईफोनमा सिम कार्ड स्लट राख्ने विचारको विरुद्ध थिए।
जब्सले आफ्नो डिभाइस प्राथमिकताहरूको कारण कार्ड स्लट छोड्न चाहन्थे।
“हामी यसमा अर्को प्वाल चाहँदैनौं,” फाडेलकाअनुसार जब्सले आईफोनमा काम गरिरहेका इन्जिनियर र डिजाइनरहरूलाई भने। उनले कार्ड स्लट हटाउनका लागि फोनमा जीएसएमको सट्टा सीडीएमए नेटवर्क राख्न चाहेको कुरा पनि खुलासा गरे।
थाहा पाईराख्नुस्, सीडीएमए सपोर्ट गर्ने डिभाइसहरूलाई सिम कार्डको आवश्यकता पर्दैन किनभने तिनीहरू सीधै सेवा प्रदायकको नेटवर्कमा कनेक्ट हुन्छन्।
फडेल, मूल आईपोड र आईफोन डिजाइन टोलीका सबैभन्दा प्रभावशाली सदस्यहरू मध्ये एक भएकोले, एप्पल सह-संस्थापकलाई उनले जीएसएमको सट्टा सीडीएमए प्रयोग गर्दा सानो एडप्टेशनको कारणले काम नगर्ने विश्वस्त गराएका थिए। त्यसबेला उनले आफ्नो कुरा प्रमाणित गर्न बजार डाटा प्रयोग गरेको फडेलले खुलासा गरे।
यदि रिपोर्टहरूलाई विश्वास गर्ने हो भने, हामी अर्को वर्ष सिम कार्ड स्लट बिनाको पहिलो आईफोन देख्न सक्छौं। एप्पलले कथित रूपमा एप्पल आईफोन १५ शृङ्खलाबाट सुरु हुने आफ्नो स्मार्टफोनबाट सिम कार्ड ट्रेलाई स्टेप बाई स्टेप हटाउने योजना गरिरहेको छ।
धेरै रिपोर्टहरूका अनुसार, टेक दिग्गजले प्रमुख क्यारियरहरूलाई ईसिम-मात्र भएका आईफोनहरू लन्चको लागि तयारी गर्न सल्लाह दिएको छ।
प्रकाशित: ३१ बैशाख २०७९, शनिबार
