काठमाडौं ।
कान्तिपुर टेलिभिजनको आधिकारीक ट्विटर एकाउन्ट ह्याक भएसँगै टिभीले नयाँ ट्विटर ह्याण्डल संचालनमा ल्याएको जानकारी दिएको छ।
टिभीले अब यसअघि संचालनमा रहेको तर करिब २ वर्षदेखि निस्क्रिय रहेको पुरानो ट्विटर एकाउन्टलाई अपडेट गरेर आधिकारीक बनाएको घोषणा गरेको हो।
अब कान्तिपुर टिभीले ट्विटर एकाउन्ट @KantipurTVHD बाट समाचार तथा अन्य सामग्री दिने जनाएको छ।
पछिल्लो दिनहरुमा धेरै नेपाली प्रयोगकर्ताहरुको सामाजिक संजाल एकाउन्ट ह्याक भईरहेको बेलामा कान्तिपुर टिभीको आओरकेटिभी (@ourktv) यूजर नेम भएको भेरिफाइड ट्विटर एकाउन्ट नै ह्याक भएको थियो।
सो एकाउन्ट चैत २६ गते ह्याक भएको थियो। तर अहिलेसम्म सो एकाउन्ट ह्याकरको कब्जामा रहेको र त्यसमा गत अप्रिलसम्म एनएफटीको प्रचार गरिएको छ। एक महिना बितिसक्दा पनि कान्तिपुरले सो ह्याक भएको ट्विटर ह्याण्डल फिर्ता ल्याउन सकेको छैन्।
कान्तिपुरले सो ह्याक भएको ट्विटर ह्याण्डल पुन: प्राप्तिका लागि केहि समय लाग्ने जानकारी गराएको छ। तर कहिलेसम्म सो ट्विटर ह्याण्डल फिर्ता हुनेछ भन्ने जानकारी दिएको छैन्।
हामी फेरि आएका छौं ।
कान्तिपुर टिभीको आधिकारिक ह्यान्डलका रुपमा @KantipurTVHD प्रयोगमा ल्याइएको छ। समाचार तथा अन्य सामग्रीका लागि यो ह्यान्डल फलो गर्न अनुरोध छ । यसअघि ह्याक भएको @ourktv पुन: प्राप्तिका लागि केहि समय लाग्ने जानकारी गराउँदछाैं ।
प्रधान सम्पादक@DilBhusanPathak
— Kantipur TV HD (@KantipurTVHD) May 12, 2022
हाल संचालनमा ल्याएको ट्विटर ह्याण्डल सन् २०२० जून २५ देखि निस्क्रिय रहेको देखिन्छ। सो ट्विटर ह्याण्डलमा १ लाख ५० हजार भन्दा धेरै फलोअरहरु छन भने ह्याक भएको ट्विटर ह्याण्डल २ लाख ८५ हजार भन्दा धेरै फलोअरहरु छन्।
यो पनि हेर्नुस्-
प्रकाशित: २९ बैशाख २०७९, बिहीबार
