काठमाडौं ।
यामाहाले कम्पनीको १२५ सीसी क्षमताको बाइक जत्तिकै पावरसहितको ई०१ इलेक्ट्रिक स्कुटर सार्वजनिक गरेको छ। कम्पनीको दावी छ कि ई०१ इलेक्ट्रिकले एक पटक चार्जमा १०० किलोमिटरको दायरा प्रदान गर्न सक्छ।
यसले तीन सवारी मोडहरू पाउँछ, जसमा स्कूटरको इलेक्ट्रिक मोटरले अधिकतम ८.१ किलोवाट/५००० आरपीएम उत्पादन गर्छ। यसको टप स्पीड १०० किलोमिटर प्रतिघण्टा रहेको छ। यसलाई सामान्य चार्जरबाट करिब ५ घण्टामा पूर्ण रूपमा चार्ज गर्न सकिन्छ भने यसको ब्याट्री प्याक फास्ट चार्जरबाट करिब १ घण्टामा पुरै चार्ज गर्न सकिन्छ।
द प्रिन्टका अनुसार यामाहाले ई०१ इलेक्ट्रिक स्कुटर विश्व बजारमा ल्याएको छ। हाल यसको मूल्यको जानकारी दिइएको छैन। यसको डेमो युरोपका साथै पाँच एसियाली देशमा पनि लन्च गरिने कम्पनीले जनाएको छ।
यामाहाले आफ्नो मोटरसाइकल टेक्नोलोजी र ईभी प्रविधिको संयोजन गरेर यो इलेक्ट्रिक स्कुटर तयार गरेको हो। यसमा रहेको इलेक्ट्रिक मोटरले अधिकतम ८.१ किलोवाट/५००० आरपीएमको पावर र ३०.२ एनएम/१,९५० आरपीएमको उच्च टर्क उत्पादन गर्न सक्षम छ, जसको कारण यो इलेक्ट्रिक स्कुटरले १०० किलोमिटर प्रतिघण्टाको टप स्पीडमा पुग्न सक्छ।
६० किलोमिटर प्रतिघण्टाको गतिमा चल्ने यो इलेक्ट्रिक स्कुटरले १०० किलोमिटरको रेन्ज पुग्न सक्ने कम्पनीले जनाएको छ।
यसको मुख्य आकर्षण भनेको ब्याट्री र चार्जिङ आउटपुट हो। यो इलेक्ट्रिक स्कुटरलाई फास्ट चार्जरबाट एक घण्टामा फुल चार्ज गर्न सकिने कम्पनीको दाबी छ। विद्युतीय स्कुटरलाई सामान्य र पोर्टेबल चार्जरबाट पनि चार्ज गर्न सकिन्छ, जसका लागि सामान्य चार्जरबाट करिब ५ घण्टामा र पोर्टेबल चार्जरबाट १४ घण्टामा फुल चार्ज गर्न सकिने कम्पनीको दाबी छ।
ई०१ मा डुअल च्यानल एबीएस फिचर, डुअल रियर सस्पेन्सन, ट्र्याक्सन कन्ट्रोल सिस्टम र बेल्ट ड्राइभ सिस्टम रहेको छ । यसले रिजेरेटिभ ब्रेक पनि पाएको छ। यसमा मल्टीफंक्शनल डिजिटल स्पीडोमिटर, स्मार्ट की सिस्टम र रिभर्स मोडलगायतका स्मार्ट फिचरहरू पनि समावेश गरिएको छ।
यो वाई-कनेक्ट प्रणालीका साथ पनि सुसज्जित छ, जसले सवारी चालकलाई आफ्नो फोनलाई इलेक्ट्रिक स्कूटरसँग जोड्ने फाइदा दिन्छ। यसबाट फोनको नोटिफिकेशन डिस्प्लेमा पढ्न सकिन्छ।
प्रकाशित: २५ बैशाख २०७९, आईतवार
