काठमाडौं ।
विश्वको सबैभन्दा ठूलो ब्याट्री निर्माता सीएटीएल (CATL) संयुक्त राज्य अमेरिकामा विद्युतीय सवारीका ब्याट्रीहरू निर्माण गर्न साइटहरू जाँच गर्ने अन्तिम चरणमा छ। यो लगानीले चिनियाँ कम्पनीको विश्वको दोस्रो ठूलो कार बजारमा पहिलो उत्पादनलाई संकेत गर्नेछ।
समकालीन एम्पेरेक्स टेक्नोलोजी कम्पनी (सीएटीएल) बीएमडब्लु एजी र फोर्ड मोटर कम्पनीलाई सेवा दिने प्लान्टहरू खोल्न वार्तामा रहेको रोयटर्सले रिपोर्ट गरेको छ।
यसको सम्भावित साइटहरूमा साउथ क्यारोलिना र केन्टुकी सामेल छन्, जहाँ ती अटोमेकरहरूसँग एसेम्बली प्लान्टहरू छन्।
सम्भावित दक्षिण क्यारोलिना प्लान्टको मामलामा, ब्याट्री उत्पादन २०२६ मा सुरु गर्ने लक्ष्य हुने एक स्रोतलाई उदृत गर्दै समाचारमा भनिएको छ।
बीएमडब्लु पहिलेदेखि नै सीएटीएलको ग्राहक हो। सीएटीएलका अन्य ग्राहकहरूमा टेस्ला र फक्सवागत पनि समावेश छन्।
सीएटीएलका अध्यक्ष जेङ युकुनले बिहीबार कम्पनीले आफ्नो देशमा विदेशी अटोमेकरहरूको उत्पादनलाई स्थानीयकरण गर्ने सम्भावनाहरू खोजिरहेको बताएका थिए।
चीनको निड्जे फुजियानमा आधारित कम्पनीले ईलेक्ट्रिक भेहिकलहरुको बढ्दो माग पूरा गर्न उत्पादन र खनिजहरूको सोर्सिङ बढाउँदैछ।
सीएटीएलद्वारा ब्याट्री लगानीको विचार अमेरिकी सरकारले ईभी लगानी र अन्य एसियाली ब्याट्री निर्माताहरूलाई अमेरिकी प्लान्टहरू निर्माण गर्न प्रोत्साहन गर्नका लागि उपायहरू ल्याएको बेला आएको हो।
प्रकाशित: २४ बैशाख २०७९, शनिबार
