काठमाडौं ।
माइक्रोब्लगिङ प्लेटफर्म ट्विटरले भिडियो क्याप्शन अन/अफ गर्न मिल्ने सीसी बटनको परीक्षण थालेको छ।
यो फिचर हाल केही आईओएस यूजरहरुलाई उपलब्ध हुने र छिट्टै एन्ड्रोइड यूजरका लागि पनि उपलब्ध गराइने टेकक्रन्चले उल्लेख गरेको छ।
हालै ट्विटरले एउटा भिडियो पोस्ट गर्दै सीसी बटन भिडियोको दायाँपट्टि माथितिर देखिने र त्यसमा क्याप्शन पनि उपलब्ध हुने उल्लेख गरेको छ।
‘भिडियोमा क्याप्शन भएको वा नभएको छनोट गर्न केही आईओएस यूजरले पाउने भएका छन् र यो छिट्टै एन्ड्रोइडमा पनि उपलब्ध हुनेछ’, कम्पनीले ट्वीटमा भनेको छ, ‘हामी क्याप्शन उपलब्ध भएका भिडियोहरुमा क्याप्शन अन/अफ गर्ने नयाँ सीसी बटन परीक्षण गरिरहेका छौं।’
Video captions or no captions, it’s now easier to choose for some of you on iOS, and soon on Android.
On videos that have captions available, we’re testing the option to turn captions off/on with a new “CC” button. pic.twitter.com/Q2Q2Wmr78U
— Support (@Support) April 22, 2022
प्रकाशित: १२ बैशाख २०७९, सोमबार
