काठमाडौं ।
चीनको तियानक्विन-१ स्याटेलाइटले आफ्नो इन-अर्बिट अपरेशनको क्रममा विश्वव्यापी गुरुत्वाकर्षण क्षेत्रको तथ्याङ्क प्राप्त गरेको दक्षिण चीनको ग्वाङ्डोङ प्रान्तको सन यात-सेन विश्वविद्यालयले जनाएको छ।
सो स्याटेलाइटलाई डिसेम्बर २०१९ मा अन्तरिक्षमा आधारित गुरुत्वाकर्षण तरंग पत्ता लगाउने कार्यक्रम “तियानक्विन” को प्रविधिहरू परीक्षण गर्न प्रक्षेपण गरिएको थियो। कार्यक्रम तियानक्विनको अर्थ “आकाशमा वीणा” हो र यो २०१५ मा विश्वविद्यालयले सुरु गरेको थियो।
गुरुत्वाकर्षण क्षेत्र डाटा राष्ट्रिय अर्थतन्त्र र जनताको जीविकोपार्जनको लागि ठूलो महत्त्वको हुने बताईएकोछ किनकि सान्दर्भिक डाटाले भू-विज्ञान सर्वेक्षण, भूभौतिकी, तेल र ग्यास अन्वेषण, र प्रकोप रोकथाम र न्यूनीकरणमा मद्दत गर्न सक्ने समाचार एजेन्सी सिन्ह्वाले रिपोर्ट गरेको छ।
कार्यक्रम तियानक्विनले एक अन्तरिक्ष गुरुत्वाकर्षण तरंग वेधशाला निर्माण गर्नको लागी १ लाख किलोमिटरको उचाइमा कक्षमा तीन स्याटेलाइटहरु सम्मिलित, २०३५ मा लगभग १ लाख ७० हजार किलोमिटरको पक्ष लम्बाइका साथ एक समभुज त्रिकोणीय नक्षत्र अर्थात कन्स्टलेसन बनाउने योजना छ।
जुन र नोभेम्बर २०१९ मा, कार्यक्रम तियानक्विनले सफलतापूर्वक लूनार ट्रान्समिटरको प्रतिध्वनि संकेत प्राप्त गर्यो र भविष्यमा सेन्टिमिटर स्तरमा तीन स्याटेलाइटहरुको सटीक स्थान सुनिश्चित गर्नको लागी क्रमशः पाँच लूनार रिफ्लेक्टरहरुबाट संकेत पत्ता लगायो।
प्रकाशित: १० बैशाख २०७९, शनिबार
