काठमाडौं ।
फ्ल्यागशिप स्मार्टफोन क्यामराहरू एक उच्चतम बिन्दुमा पुगेका छन् जहाँ यो वनप्लस १० प्रोबाट लिइएको हो वा शाओमी १२ प्रोबाट लिइएको हो भनेर कुनै एउटा फोटो तुलना गर्न गाह्रो छ। किनकी वस्तुनिष्ठ रूपमा अझै पनि दुवै फोनबाट खिचिएका तस्बिरहरूमा सबै विवरणहरू खिचिएका र मिनिमम न्वाइजको साथ आश्चर्यजनक देखिन्छन्। यस्तै तस्बिरहरु र भनाई आईफोन १३ प्रो, सामसङ ग्यालेक्सी एस२२ अल्ट्रा, र ओपो फाइन्ड एक्स प्रोमा पनि लागू हुनसक्छ।
त्यसैले २०२२ मा, स्मार्टफोन निर्माताहरूले आफ्ना प्रयोगकर्ताहरूका लागि थप क्यामरा फिचरहरु प्रस्ताव गर्न अघि बढेका छन्, जस्तै एप्पलले आफ्नो आईफोन १३ सिरिजमा फोटोग्राफिक स्टाइलहरू उपलब्ध गराउने, गुगलले आफ्नो पिक्सेलमा एस्ट्रोफोटोग्राफी मोड उपलब्ध गराउने, र भिभोले आफ्नो नयाँ एक्स श्रृंखला डिभाइसहरूमा जेईस स्टाइल पोर्ट्रेटहरू उपलब्ध गराउने प्रयास गरेका छन्।
आईटीहोमको समाचारअनुसार शाओमी अर्को निर्माता हुन सक्छ जुन हालसालै चीनमा आफ्नो क्यामरामा रचनात्मक विकल्पहरू बढाउन खोजिरहेको छ। बेइजिङ-आधारित शाओमी सफ्टवेयर कर्पोरेसनलाई यसको स्वचालित “नाइट स्काई स्टार ट्रेल्स टाइम-ल्याप्स फोटोग्राफी(night sky star trails time-lapse photography)” क्यामरा सफ्टवेयर प्रविधिको लागि पेटेन्ट प्रदान गरिएको छ।
शाओमीको पेटेन्टले स्टार ट्रेल टाइम-ल्याप्स फोटोग्राफी मोडको पछाडि क्यामरा सफ्टवेयर एल्गोरिदमको विवरण दिन्छ। पहिलो, जब प्रयोगकर्ताले क्यामरा एपमा “स्टार ट्रेल्स” मोड इनेबल पार्छ, क्यामरा स्वचालित रूपमा रातको आकाशमा केन्द्रित हुनेछ, र आईओएस, ह्वाइट ब्यालेन्स र दृश्यको लागि ह्वाइट ब्यालेन्स जस्ता सबैभन्दा उपयुक्त सेटिङहरू निर्धारण गर्नेछ।
राती ताराहरूको गतिबिधिसहित आकाशको तस्बिरहरू लिनको लागि क्यामरा टाइमल्याप्स भरि एउटै स्थितिमा रहनु पर्छ। एल्गोरिदमले त्यसपछि यी तस्बिरहरूलाई प्रत्येकको पछाडि डटा र रंग विज्ञानको व्याख्या गर्न भण्डार गर्दछ। व्याख्या गरिएको डाटा प्रयोग गरेर, एल्गोरिदमले सबै फोटोहरू एकसाथ कम्पाइल गर्छ र तस्बिरहरूलाई छोटो-फर्म भिडियोमा प्रशोधन गर्छ जसले स्क्रिनमा बनाइएका स्टार ट्रेलहरूको टाइम ल्याप्स यात्रा देखाउँदछ।
वैकल्पिक रूपमा, प्रयोगकर्ताहरूले अन्य प्रकारका मुभिङ स्टार ट्रेल भिडियोहरू जस्तै अनन्त लुपिङ स्टार ट्रेलहरू, वा राती आकाशमा घुमिरहेको तारा ट्रेलहरूको फोटो आउटपुट जस्ता अन्य प्रकारका लागि एल्गोरिदम प्रयोग गर्न सक्छन्।
प्याटेन्ट भर्खरै स्वीकृत भई सार्वजनिक भएको हुनाले, शाओमीले चाँडै नै आफ्नो अर्को क्यामरा-केन्द्रित फ्ल्यागशिपमा यो “स्टार ट्रेल्स” मोड फिचर गर्ने आशा गरिएको छ, जुन शाओमी १२ अल्ट्रा हुन सक्छ र यो अर्को महिना चीनमा चाँडै लन्च हुने चर्चा रहेको छ।
फोनमा लाइका ब्रान्डेड क्यामरा, र क्वालकमको अघोषित स्न्यापड्रागन ८ जेन १ प्लस चिपसेट हुनसक्नेछ।
प्रकाशित: ५ बैशाख २०७९, सोमबार
