नुबिया रेड म्याजिक ७ प्रो स्मार्टफोन विश्व बजारमा लन्च

काठमाडौं ।

नुबिया रेड म्याजिक ७ प्रो स्मार्टफोन मंगलबार विश्व बजारमा लन्च भएको छ। यो कम्पनीको रेड म्याजिक गेमिङ स्मार्टफोन लाइनअपको हिस्सा हो, जुन फेब्रुअरी १७ मा पहिलो पटक चीनमा लन्च गरिएको थियो।

यो फोनमा स्न्यापड्रागन ८ जेन १ प्रोसेसर दिइएको छ, जुन १६जीआी डीडीआर५ र्यामसँग जोडिएको छ। यसले ६.८ इन्चको एमोलेड डिस्प्लेलाई सपोर्ट गर्छ र ६४ मेगापिक्सेलको ट्रिपल रियर क्यामेराले सुसज्जित छ। अगाडि, एक अन्डर डिस्प्ले सेल्फी क्यामरा छ। यो फोन चीनमा १३५ वाट फास्ट चार्जिङ सपोर्टसहित ल्याइएको थियो भने ग्लोबल मोडलमा ६५ वाटको चार्जिङ सपोर्ट मात्रै दिइएको छ।

मूल्य र उपलब्धता

नुबिया रेड म्याजिक ७ प्रोको १६जीबी प्लस २५६जीबी स्टोरेज मोडेलको मूल्य ७९९ अमेरिकी डलरबाट सुरु हुन्छ। यो डिभाइस अब्सिडियन ब्ल्याक रंग विकल्पमा उपलब्ध हुनेछ।

यो फोन १६जीबी प्लस ५१२ जीबी स्टोरेज भेरियन्टमा पनि बिक्री हुनेछ, जसको मूल्य ८९९ डलर छ। यो सुपरनोभा कलर विकल्पमा आउँछ, जसमा पारदर्शी डिजाइन छ।

यो फोन एसिया प्यासिफिक क्षेत्र, युरोप, ल्याटिन अमेरिका, मध्य पूर्व र उत्तरी अमेरिकामा अप्रिल २७ देखि खरिद गर्न सकिनेछ।

नुबिया रेड म्याजिक ७ प्रोको विशिष्टताहरू

नुबिया रेड म्याजिक ७ प्रो स्मार्टफोन डुअल-सिम (नानो) स्लटको साथ आउँछ र यो रेडम्याजिक ओएस ५.० मा आधारित एन्ड्रोइड १२ मा चल्छ। यसमा ६.८ इन्चको एमोलेड फुल-एचडी प्लस (१,०८०×२,४०० पिक्सेल) डिस्प्ले छ, जसले १२० हर्ज रिफ्रेस रेट र ९६० हर्ज टच नमूना दरलाई समर्थन गर्दछ। यसमा ६०० निट्सको अधिकतम चमक छ। फोनमा स्न्यापड्रागन ८ जेन १ प्रोसेसर दिइएको छ, जुन १६जीबी र्यामसँग जोडिएको छ।

त्यहाँ एक समर्पित रेड कोर १ गेमिङ चिप पनि छ, जुन फोनमा गेमिङ सम्बन्धित कार्यहरूको लागि एकीकृत गरिएको छ। विशेष रूपमा साउण्ड, ह्याप्टिक प्रतिक्रिया र लाइटिङ्ग इफेक्ट्स ह्यान्डल गर्न डिजाइन गरिएको हो। फोनलाई चिसो राख्नको लागि यसमा आईसीई ९.० (ICE 9.0) कुलिङ सिस्टम पनि छ।

फोनमा ६४ मेगापिक्सेलको प्राइमरी क्यामेरा दिइएको छ । यसमा f/2.2 एपर्चर लेन्सको साथ ८-मेगापिक्सेल अल्ट्रा-वाइड एंगल क्यामेरा र f/2.4 एपर्चर लेन्सको साथ २-मेगापिक्सेल म्याक्रो क्यामेरा छ। फोनमा १६ मेगापिक्सेलको फ्रन्ट क्यामरा छ।

नुबिया रेड म्याजिक ७ प्रोमा ५१२जीबी सम्मको इनबिल्ट स्टोरेज दिइएको छ। जडान विकल्पहरूमा ५जी, ४जी एलटीई, वाईपाई ६, ब्लुटुथ ५.२ भर्सन, जीपीएस, एनएफसी, ३.५ एमएम अडियो ज्याक र यूएसबी टाइप-सी पोर्ट समावेश छन्। बायोमेट्रिक प्रमाणीकरणका लागि फिंगरप्रिन्ट सेन्सर छ। यसमा ५,००० एमएएच ब्याट्री छ जसमा ६५ वाट फास्ट चार्जिङको लागि सपोर्ट छ।