काठमाडौं ।
इलेक्ट्रिक भेहिकल निर्माता टेस्ला इंक, भुक्तानी फर्म ब्लक इंक र ब्लकचेन कम्पनी ब्लकस्ट्रिम कर्पले टेक्सासमा सौर्य उर्जा प्रयोग गरेर बिटक्वाइन माइनिङ्ग गर्नमा सहकार्य गर्ने ब्लकस्ट्रिमका सीईओ एडम ब्याकले शुक्रबार बताएका छन्।
सो योजनाको लागि टेस्लाले सौर्य ऊर्जा पूर्वाधार निर्माण गर्दैछ र यसको मेगाप्याक ब्याट्रीहरू उपलब्ध गराउँदैछ।
ब्लकस्ट्रिम र ब्लक, जसलाई पहिले स्क्वायर भनेर चिनिन्थ्यो, जुनमा उनीहरूले संयुक्त राज्य अमेरिकामा खुला स्रोत र सौर्य ऊर्जाबाट चल्ने बिटक्वाइन माइन सुविधा निर्माण गर्न सहकार्य गरिरहेको बताएका थिए।
बिटक्वाइन त्यसबेला सिर्जना हुन्छ जब उच्च-शक्तिशाली कम्प्युटरहरूले जटिल गणितीय पजलहरू समाधान गर्न अन्य मेसिनहरूसँग प्रतिस्पर्धा गर्छन्। यो ऊर्जा-गहन प्रक्रिया जुन हाल प्रायः जीवाश्म ईन्धनहरूमा निर्भर हुन्छ।
बिटक्वाइन खानीसँग सम्बन्धित वातावरणीय चिन्ताले गत वर्ष मेमा टेस्लालाई कार खरिदका लागि बिटक्वाइन स्वीकार गर्न बन्द गर्न प्रेरित गरेको थियो।
प्रकाशित: २७ चैत्र २०७८, आईतवार
