काठमाडौं ।
स्पोटीफाईले युक्रेनमा रुसको आक्रमणको प्रतिक्रियामा आफ्नो रूसी अपरेशनको थप सेवाहरु बन्द गर्दै छ। भेराइटीलाई दिएको बयानमा कम्पनीले रसियामा अनिश्चितकालका लागि सेवा “पूर्ण रूपमा निलम्बन” गर्ने बताएको छ।
म्यूजिक स्ट्रिमरले सुरुमा “विश्वसनीय, स्वतन्त्र” जानकारी प्रदान गर्न केही सेवाहरू चलाउन महत्त्वपूर्ण छ भन्ने विश्वास गरेको थियो। तर वाक स्वतन्त्रता र सही समाचार रिपोर्टिङमा प्रतिबन्धित गर्ने हालैका कानूनहरूले कर्मचारी र श्रोताहरूको सुरक्षालाई “जोखिममा” राख्छ।
कम्पनीले पहिले नै मार्चको सुरुमा यसको सशुल्क प्रिमियम सेवामा पहुँच रोकेको थियो, र राज्य-समर्थित रूसी मिडिया आउटलेटहरू आरटी र स्पूतनिकबाट सामग्री हटाइयो। यो पछिल्लो कदमले नि:शुल्क सेवासमेत बन्द गर्नेछ।
थप प्रतिबन्धले सम्भवतः स्पोटीफाईको वित्तीयलाई महत्त्वपूर्ण हदसम्म हानि पुर्याउने छैन, तर यसले रूसमा कम्पनीको प्रभावलाई सीमित गर्न सक्ने बताईएको छ। रुसले स्पोटीफाईको कुल राजस्वको १ प्रतिशत मात्र प्रतिनिधित्व गर्दछ र डेलोइटले अनुमान गरेअनुसार यो सेवा २०२१ मा ३६ प्रतिशत शेयरका साथ दोस्रो-सबैभन्दा ठूलो स्ट्रिमिङ संगीत सेवा थियो।
प्रकाशित: १२ चैत्र २०७८, शनिबार
