काठमाडौं ।
अटोमेकर बिएमडब्लुले बुधबार आफ्नो कार डिभिजनको २०२२ नाफा मार्जिन पूर्वानुमान कटौती गरेको छ। पछिल्लो समय युक्रेनमा रूसको आक्रमणबाट बढेको आपूर्ति श्रृंखला अवरोधहरूको चेतावनी दिँदै कम्पनीले चिप संकटले वर्षभरि प्रभावित गर्ने अपेक्षा गरेको छ।
जर्मन कार निर्माता, जसले सेमीकन्डक्टरको अभावको बावजुद गत वर्ष रेकर्ड २५ लाख २० हजार सवारी साधनहरू बेचेको थियो, यो वर्ष अझ बढी डेलिभर गर्ने अपेक्षा गरेको थियो, तर अब २०२१ को बराबर उत्पादन हुने अपेक्षा गरेको छ।
“अझै, उच्च विद्युतीय सवारी (ईभी) उत्पादनको लागि यसको लक्ष्यहरू अपरिवर्तित छन्,” मुख्य प्राविधिक अधिकारी फ्रान्क वेबरले भने। कम्पनीले यस वर्ष दोब्बरभन्दा बढी ईभी बिक्री गर्दै दुई लाखभन्दा बढी पुर्याउने र २०२५ सम्ममा २० लाख पूर्ण विद्युतीय बिक्री पुर्याउने लक्ष्य राखेको छ ।
यसले युरोप, चीन र नाफ्टा क्षेत्रमा ईभीहरु उत्पादन हुने स्थानहरूमा ब्याट्री कारखानाका लागि पाँचवटा नयाँ साझेदारीहरू स्थापना गर्ने खरिद प्रमुख जोआचिम पोस्टले बताएका छन्।
केहि दिनअघि कम्पनीले जर्मनीमा भएको प्लान्टमा चिप अभावका कारण उत्पादन रोकेको थियो तर अर्को साता पुरै उत्पादन शुरु गर्ने तयारीमा छ।
बिएमडब्लुले आफ्नो ७ सिरिजको लक्जरी सेडानको अर्को पुस्तालाई अप्रिलमा डेब्यु गर्न तयार भएको छ भने त्यससँगै, नयाँ अल-इलेक्ट्रिक आई सेभेन पनि ल्याउने भएको छ।
प्रकाशित: ४ चैत्र २०७८, शुक्रबार
