काठमाडौं ।
रुस र युक्रेन बीचको युद्ध सुरु भएको केही समयपछि, गुगलले युक्रेनमा आफ्ना गुगल म्याप्सका केही सुविधाहरू जस्तै ट्राफिक जानकारी र भीड डाटा असक्षम गर्ने घोषणा गर्यो। यी डाटा सैन्य गुप्तचरीको रूपमा प्रयोग गर्न सकिने गुगलको तर्क छ।
अब, गुगलले आफ्ना युक्रेनी प्रयोगकर्ताहरूका लागि एयर स्ट्राइक अलर्टहरू थप्दैछ।
नयाँ अपडेट गुगलको प्ले सर्भिसको एक भागको रूपमा आएको हो र कथित रूपमा, गुगलले युक्रेनी सरकारको अनुरोधमा यसलाई सक्षम गरिरहेको छ। यो सुविधा पहिले नै अवस्थित रेड अलर्ट प्रणालीहरूको पूरक प्रणालीको रुपमा भएको मानिन्छ।
कम्पनीको ग्लोबल अफेयर्सका अध्यक्ष केन्ट वाकरकाअनुसार गुगलले भूकम्प पत्ता लगाउन प्रयोग गरिए जस्तै लो लेटेन्सी प्रणाली प्रयोग गर्यो।
“युक्रेन सरकारको अनुरोधमा र सहयोगमा, हामीले युक्रेनमा एन्ड्रोइड फोनहरूका लागि र्यापिड एयर रेड अलर्ट प्रणाली रोल आउट गर्न थालेका छौं। यो काम देशको अवस्थित हवाई आक्रमण चेतावनी प्रणालीहरूको लागि पूरक हो, र युक्रेनी सरकारले पहिले नै डेलिभर गरिसकेका अलर्टहरूमा आधारित छ,” उनले ब्लगमा भनेका छन्।
प्रकाशित: २९ फाल्गुन २०७८, आईतवार
