काठमाडौं ।
गुगलले युक्रेनबाट आएका शरणार्थीहरूलाई सहयोग गर्न पोल्याण्डमा भएको अफिस स्पेस प्रयोग गर्ने भएको छ। यसका साथै युक्रेनी शरणार्थीहरूलाई अन्य स्रोतहरू प्रदान गर्ने कम्पनीले सोमबार घोषणा गरेको छ।
बिग टेक कम्पनीले शरणार्थीहरूलाई कानूनी र मनोवैज्ञानिक सेवाहरू प्रदान गर्न स्थानीय गैर-सरकारी संस्थाहरूको लागि ठाउँको रूपमा वार्सामा आफ्नो स्टार्टअप क्याम्पस प्रयोग गर्ने बताएकोसीएनबीसीले रिपोर्टमा उल्लेख गरेको छ।
गत हप्ता, यसले पोल्याण्डमा युक्रेनी शरणार्थीहरूलाई मद्दत गर्ने स्थानीय संस्थाहरूको लागि १ करोड डलरसहित कुल २.५ करोड डलरको सहायताको वाचा गरेको छ। यसले साइबर आक्रमणबाट जोगाउन मद्दत गरिरहेको पनि बताएको छ।
“युद्धबाट प्रभावित व्यक्तिहरूको आवश्यकता परिवर्तन हुँदा, हामी अन्य तरिकाहरू हेर्नेछौं जसमा हामी मद्दत गर्न सक्छौं,” कम्पनीले एक विज्ञप्तिमा भन्यो।
युद्ध सुरु भएदेखि धेरै प्रमुख कम्पनीहरूले युक्रेनी शरणार्थीहरूलाई सहयोग गर्ने वाचा गरेका छन्। उदाहरणका लागि, एयरबीएनबीले गत हप्ता १ लाख युक्रेनी शरणार्थीहरूलाई अस्थाई बसोबास प्रदान गर्ने बताएको थियो र उबरले युक्रेन-पोल्याण्ड सीमाना बीच नि: शुल्क सवारी प्रस्ताव गरेको छ।
गुगलले १५ वर्ष पहिले आफ्नो पहिलो पोलिश कार्यालय खोलेको थियो।कम्पनीका वार्सा र व्रोक्ला गरी दुई पोलिश शहरहरूमा कार्यालयहरू छन्। यसले नयाँ कार्यालय परिसरको खरीद र विकासमा ७० करोड डलर लगानी गरेर वार्सामा थप विस्तार गर्ने योजना बनाएको छ।
प्रकाशित: २४ फाल्गुन २०७८, मंगलवार
