दुई विशालकाय ब्ल्याक होलहरू ठोक्किने क्रममा, अन्तरिक्ष समय चक्रमै असर पार्ने आशंका

काठमाडौं ।

अन्तरिक्ष विज्ञानको इतिहासमा आगामी दिनमा ठूलो खगोलीय घटना हुनसक्छ। दुई विशाल ब्ल्याक होल अन्तरिक्षमा टकराउन सक्ने देखिएको छ।

नासाको विज्ञप्तिअनुसार दुवै ब्ल्याक होल एकअर्का तर्फ सर्दैछन् । यो अनुमान गरिएको छ कि लगभग १० करोड वर्षदेखि यी दुई एक अर्का तर्फ सर्दैछन्।

यस ब्ल्याक होललाई पीकेएस २१३१-०२१ (PKS 2131-021) नाम दिइएको छ। तिनीहरू पृथ्वीबाट करिब ९ अर्ब प्रकाश वर्षको दूरीमा घुमिरहेका छन्। वैज्ञानिकहरुका अनुसार दुवै ब्ल्याक होल बाइनरी कक्षमा पुगेका छन्।

खगोलविद्हरूका अनुसार दुवै दुई वर्षमा एकपटक एक अर्काको वरिपरि घुम्छन्। एस्ट्रोफिजिकल जर्नल लेटर्समा यहि फेब्रुअरी २३ मा प्रकाशित रिपोर्टकाअनुसार १० हजार वर्षपछि दुईवटा ब्ल्याक होल मिसिएर एउटै बन्नेछन्।

दुई ठूला ब्ल्याक होलहरू ठोक्किन सक्ने

दुई सुपरम्यासिभ ब्ल्याक होलबीचको टक्करबाट निस्कने गुरुत्वाकर्षण तरंगले अन्तरिक्षको समय चक्र परिवर्तन गर्न सक्ने वैज्ञानिकहरू विश्वास गर्छन्। महान् वैज्ञानिक अल्बर्ट आइन्स्टाइन अन्तरिक्ष समयको बारेमा भविष्यवाणी गर्ने पहिलो व्यक्ति थिए। सुपरम्यासिभ ब्ल्याक होलहरू हाम्रो सूर्यको पिण्ड वा मास भन्दा लाखौं गुणा ठूला र शक्तिशाली छन्।

सुपरम्यासिभ ब्ल्याक होलहरू धेरैजसो आकाशगंगाहरूको केन्द्रमा छन्, र खगोलविद्हरू तिनीहरू कसरी यति ठूलो भए भनेर जान्न उत्सुक छन्।

वैज्ञानिकहरूले दुई साना सुपरम्यासिभ ब्ल्याक होलहरू बीचको विलयको परिणामस्वरूप तिनीहरू यति ठूलो भएको हुनुपर्ने अनुमान गरेका छन्। यी विशाल जोडीहरू करिब १० हजार वर्षमा मिल्ने अनुमान गरिएको छ।

दक्षिणी क्यालिफोर्नियामा नासाको जेट प्रोपल्सन प्रयोगशालामा जोसेफ लाजियो र मिशेल भ्यालिस्नेरीले बाइनरी प्रणालीहरूमा सुपरम्यासिभ ब्ल्याक होलहरूले कसरी व्यवहार गर्दछन र रेडियो डाटाको व्याख्या कसरी गर्छन् भन्ने बारे दृष्टिकोण प्रदान गरेका छन्।

पीकेएस २१३१-०२१अनुसन्धानको केन्द्र

ब्ल्याक होलहरूले प्रकाश उत्सर्जन गर्दैनन्, तर तिनीहरूको गुरुत्वाकर्षणले तिनीहरूको वरिपरि तातो ग्यासको चक्र बनाउन सक्छ र केही सामग्रीलाई अन्तरिक्षमा बाहिर निकाल्न सक्छ। पीकेएस २१३१-०२१ एक विशेष ब्ल्याक होल हो। यसलाई ब्लाजर पनि भनिन्छ। अर्थात्, त्यहाँ एउटा यस्तो ब्ल्याक होल छ जसले धेरै चार्ज भएका कणहरू अर्थात् जेटलाई सिधै पृथ्वीतर्फ फ्याँकिरहेको छ। यस जेटको सामग्रीको निर्माण तातो ग्यासको बीचबाट बनेको हुन्छ। जब यो ग्यास बलियो गुरुत्वाकर्षण बलको कारण अन्तरिक्षमा आउँछ, यसले जेटको रूप लिन्छ।

ब्लाजार, पीकेएस २१३१-०२१, हाल अनुसन्धानको केन्द्रमा छ। पृथ्वीबाट करिब ९ अर्ब प्रकाश-वर्षको दूरीमा अवस्थित पीकेएस २१३१-०२१ अनुसन्धानकर्ताहरूको समूहले पत्ता लगाएका १,८०० ब्लाजारहरूमध्ये एक हो । यसलाई उत्तरी क्यालिफोर्नियाको ओवेन्स भ्याली रेडियो अब्जर्भेटरीसँगको सामान्य अध्ययनको भागको रूपमा पासाडेनाको क्यालटेकका अनुसन्धानकर्ताहरुले १३ वर्षदेखि अनुगमन गर्दै आएका छन्।