काठमाडौं ।
ह्वाट्सएपले प्रयोगकर्ता अनुभव सुधार गर्न धेरै सुविधाहरूमा काम गरिरहेको छ। नयाँ सर्च विकल्प र मेसेज रियाक्सनपछि, ह्वाट्सएपले अब एक नयाँ फिचर परीक्षण गरिरहेको देखिन्छ जसले प्रयोगकर्ताहरूलाई सन्देश एपमा कलमा सामेल हुन लिङ्क सिर्जना गर्न अनुमति दिनेछ।
यसअघि, ह्वाट्सएपले ग्रुप कलको बीचमा सामेल हुनसकिने सुविधा ल्याएको थियो। अब, यसले होस्टलाई व्हाट्सएप कलको लागि लिङ्क सिर्जना गर्न र अन्य सम्पर्कमा भएकाहरूलाई आमन्त्रित गर्न अनुमति दिनेछ।
अहिले यस्तो सुबिधाअन्तरगत जुम र गुगल मीटमा भिडियो कल (बैठक) को लिङ्क सिर्जना गर्न र अरूसँग साझेदारी गर्न सक्ने तरिकामा यसले काम गर्न सक्छ।
रिपोर्टका अनुसार, ह्वाट्सएपले चाँडै नै कल लिङ्क प्रयोग गरेर मानिसहरूलाई कलमा सामेल हुन सजिलो बनाउनेछ। कल होस्टले आफ्नो सम्पर्क सूची भित्र लिङ्कहरू सिर्जना गर्न र तिनीहरूलाई कसैसँग साझेदारी गर्न सक्षम हुनेछ। यसमार्फत तपाईंको सम्पर्क सूचीमा थपिएका व्यक्तिहरूसँग लिङ्क साझा गर्न सकिन्छ।
लिङ्क प्रयोग गरेर ह्वाट्सएपमा कल गर्नको लागि, प्रयोगकर्ताहरूसँग ह्वाट्सएप खाता छैन भने एकाउन्ट सिर्जना गर्न आवश्यक छ। किनकी ह्वाट्सएप कलहरू एन्ड-टु-इन्ड इन्क्रिप्सनद्वारा सुरक्षित हुन्छन्।
यो सुविधा मेसेन्जर रुममा पहिले नै उपलब्ध रहेको सुविधाभन्दा अलि फरक हुनेछ। मेसेन्जर रुममा जो कोही पनि सामेल हुन सक्छन्, फेसबुक बाहेकका प्रयोगकर्ताहरू पनि, तर व्हाट्सएप कलहरूमा व्हाट्सएप खाता भएका प्रयोगकर्ताहरू मात्र समावेश हुन सक्छन्।
रिपोर्टमा भनिएअनुसार “यो सुविधा विकास चरणमा छ, तपाईले अहिले कल लिङ्क सिर्जना गर्न सक्नुहुन्न, तर ह्वाट्सएपले भविष्यको अद्यावधिकमा यो सुविधा जारी गर्न काम गरिरहेको छ।”
यो सुविधा हाल मेसेजिङ एपले विकास गरिरहेको छ र यो कहिले आउने हो थाहा छैन। यद्यपि बीटा परीक्षणको क्रममा देखा पर्ने धेरैजसो सुविधाहरूले यसलाई अन्तिम अपडेटमा पुर्याउँछ।
प्रकाशित: १६ फाल्गुन २०७८, सोमबार
