काठमाडौं ।
केही हप्ता अघि, ह्वाट्सएपले आफ्नो बीटा कार्यक्रममा आईफोन प्रयोगकर्ताहरूका लागि नयाँ इन-एप क्यामरा डिजाइन रोल आउट गर्न थालेको छ। फेसबुकको स्वामित्वमा रहेको प्लेटफर्मले स्क्रोल गर्न मिल्ने मिडिया बार हटाएर इन-एप क्यामरामा केही परिवर्तनहरू ल्याएको छ।
यो बार धेरै उपयोगी भएको बताईएको छ किनकि यसले तपाइँलाई क्यामरा रोलमा हालै सुरक्षित गर्नुभएको फोटो र भिडियोहरू द्रुत रूपमा पठाउन अनुमति दिन्छ।
अब, ह्वाट्सएपले कथितरूपमा आईओएस प्रयोगकर्ताहरूको लागि नयाँ बिटा अपडेट रोल आउट गर्न थालेको छ। एक रिपोर्टअनुसार, व्हाट्सएपले टेस्टफ्लाइट बिटा प्रोग्राम मार्फत नयाँ अपडेट पेश गरेको छ, जसले संस्करण २२.५ सम्म ल्याउँछ। रिपोर्टका अनुसार कम्पनीले नयाँ क्यामराको डिजाइनलाई अपडेटसहित रिस्टोर गरिरहेको छ।
रिपोर्टले उल्लेख गरेअनुसार यो कदम पछिल्लो अपडेटको तुलनामा धेरै प्रयोगकर्ताहरूको लागि आएको हो जहाँ कम्पनीले स्क्रोल गर्न मिल्ने मिडिया बार हटायो। नयाँ अपडेटपछि, ‘मिडिया बार’ केहि आईओएस बिटा टेस्टरहरूको लागि फेरि उपलब्ध भएको छ।
ह्वाट्सएपले पुरानो फिचर रिस्टोर गरेको यो पहिलो पटक भने होइन। केही हप्ता अघि, ह्वाट्सएपले एन्ड्रोइड प्रयोगकर्ताहरूको लागि सम्पर्क खण्डको इन्टरफेस परिवर्तन गरेको थियो जसले एपको बिटा संस्करण प्रयोग गरिरहेका थिए।
फेसबुकको स्वामित्वमा रहेको प्लेटफर्मले यस खण्डलाई दुई भागमा विभाजन गरेको छ- फ्रिक्वेन्टली कन्ट्याक्टेड (Frequently contacted) र अर्को रिसेन्ट च्याट्स (Recent chats)। नामले सुझाव दिए जस्तै, फ्रिक्वेन्टली कन्ट्याक्टेड खण्डले तपाईले बारम्बार सम्पर्क गर्नुहुने प्रयोगकर्ताहरूलाई देखाउँदछ र रिसेन्ट च्याट्स भागले तपाईँले भर्खरै सम्पर्क गर्नुभएको प्रयोगकर्ताहरूलाई देखाउँदछ। तर गत हप्ता, ह्वाट्सएपले पुरानो सम्पर्क सूची पुनर्स्थापित गर्यो।
रिपोर्टकाअनुसार, ह्वाट्सएपले प्रयोगकर्ताहरूको प्रतिक्रियाको सामना गरेपछि पुरानो इन्टरफेस पुनर्स्थापित गरिरहेको छ। प्लेटफर्मले पुरानो सम्पर्क सूची इन्टरफेस पुन: रोल आउट गर्न सुरु गरेको छ, तर अपडेट सबैका लागि उपलब्ध हुन केही समय लाग्न सक्छ।
प्रकाशित: ११ फाल्गुन २०७८, बुधबार
