काठमाडौं ।
युट्युबले सन् २०२२ को लागि मेटाभर्सको योजना घोषणा गरेको छ। गुगलको स्वामित्वमा रहेको भिडियो प्लेटफर्मले वेब ३ र ब्लकचेन प्रविधिहरूको आधारमा एनएफटीहरु र मेटाभर्समा लगानी गरिरहेको घोषणा गरेको छ।
यसले कलाकारहरूलाई आफ्ना दर्शकहरूसँग गहिरो स्तरमा जोड्न तथा वेब३ र यसका तत्वहरू जस्ता नवीनतम प्रविधिहरूमा उद्यम गर्न चाहने युट्युबले एउटा ब्लग पोस्टमा भनेको छ। फेब्रुअरी १० को ब्लग पोस्टमा युट्युबका प्रमुख उत्पादन अधिकारी नील मोहनले सो जानकारी दिएका हुन्।
यस घोषणा अन्तर्गत, कम्पनीले ब्लकचेनमा आधारित नन फन्जिबल टोकन अर्थात् एनएफटी पेश गर्नेछ। यो युट्युबको हालको भिडियो प्रणाली भन्दा धेरै फरक हुनेछ।
युट्युबले प्रशंसकहरूलाई एनएफटीहरुको रूपमा उनीहरूको मनपर्ने क्रिएटर्सबाट अनौठो भिडियो, फोटो, कला, र अनुभवहरू पनि प्राप्त गर्नको लागि प्रमाणीकरण योग्य तरिका प्रदान गर्न चाहनेको ब्लग पोष्टमा उल्लेख छ।
युट्युबले प्रयोगकर्ताहरूलाई मेटाभर्समा सँगै भिडियोहरू हेर्न अनुमति दिन सक्ने मोहनले बताए। अहिलेको लागि, युट्युबमा मेटाभर्सले खेलहरूसँग सम्बन्धित भिडियोहरूमा फोकस गर्नेछ र तिनीहरूलाई अझ जीवन्त महसुस गराउनेछ।
यस समयमा, जहाँ जहाँ ठगीका घटनाहरू अगाडि आउँछन्, यो प्रणालीमा ठगीको सम्भावना धेरै कम हुनेछ। यति मात्र होइन, प्रयोगकर्ताहरूले यसबाट पैसा पनि कमाउन सक्नेछन्। यसका लागि युट्युब भिडियो र गेमिङ सामग्रीलाई डिजिटल आर्ट बजारमा ल्याइनेछ।
ब्लकचेनमा आधारित एनएफटी प्रविधिमार्फत युट्युबमा आफ्ना भिडियोहरू राख्ने प्रयोगकर्ताहरूले अनौठो भिडियो, फोटो र कलाकृति देखाएमा पैसा दिइनेछ। जो कोहीले यहाँ यी भिडियोहरू, फोटोहरू र कलाकृतिहरू किन्न सक्षम हुनेछन्।
प्रकाशित: १ फाल्गुन २०७८, आईतवार
