काठमाडौं ।
सामसङ इलेक्ट्रोनिक्सले अगाडि चुनौती सामना गर्नुपर्ने हुनसक्छ। कम्पनीले ५० वर्षमा पहिलो पटक श्रम हडताल देख्न सक्ने रिपोर्ट आएको छ। मजदुर युनियनसँगको तलब वार्ता टुटेकोले त्यस्ता अड्कलबाजी भइरहेको छ।
महिनौंसम्मको वार्तापछि श्रमिक संघका प्रतिनिधिहरूले कोरियाको राष्ट्रिय श्रम सम्बन्ध आयोग (एनएलआरसी) लाई मध्यस्थता गर्न आग्रह गरेका छन्। यो श्रम मन्त्रालय अन्तर्गतको सरकारी निकाय हो।
सामसङसँग सम्झौता गर्न अब १० दिनको समय छ। यदि यसलाई पालना गरिएन भने, सेमीकन्डक्टर चिप्स र इलेक्ट्रोनिक्स जस्ता धेरै सामसङका व्यवसायहरू हडतालमा जान सक्छन्।
कोरिया हेराल्डकाअनुसार यी परिस्थितिले दक्षिण कोरियाली सामसङलाई कठिन स्थानमा राखेको छ। कम्पनी पहिले नै सेमीकन्डक्टर अभावबाट प्रभावित छ। यसले गर्दा इन्भेन्ट्री र ढुवानीमा ढिलाइ भएको छ। उदाहरणका लागि, कम्पनीको आगामी ग्यालेक्सी एस२२ सिरिजको डेलिभरी केही हप्ता पछाडी धकेलिएको छ।
नेशनल सामसङ इलेक्ट्रोनिक्स लेबर युनियन (एनएसईएलयू) ले एक विज्ञप्ति जारी गर्दै हालसम्म सामसङसँग १५ चरणको वार्ता भइसकेको जनाएको छ । व्यवस्थापनले एकतर्फी कुराकानी मात्र गरेर प्रगतिमा ढिलाइ गरेको आरोप लगाएको छ।
लेबर युनियनका हाल ४ हजार ५०० सदस्य छन्।लेबर युनियन र सामसङ बीच अक्टोबरमा वार्ता सुरु भएको थियो। मजदुर युनियनहरूले ज्याला वृद्धि, कोभिड-१९ क्षतिपूर्ति र विशेष बिदा विकल्पहरू जस्ता मुद्दाहरूसहित वार्ता गरिरहेका छन्। सामसङले मार्चमा मस्यौदा सम्झौता अन्तर्गत ७.५ प्रतिशतसम्म तलब वृद्धि गर्न सुझाव दिएको थियो। आधारभूत तलबमा ४ दशमलव ५ प्रतिशत वृद्धि भएको थियो । तर, मजदुर संघले यसमा सहमति जनाउन मानेनन् ।
लेबर युनियनले आफ्नो र सामसङबीचको वार्ता अब अगाडि बढ्न नसक्ने भएकाले राष्ट्रिय श्रम सम्बन्ध आयोगमा मध्यस्थता गर्ने जनाएको छ। भविष्यमा वार्ताको गति र अवस्था सामसङको इच्छामा निर्भर हुनेछ।
यदि सामसङले श्रम हडतालको सामना गर्नुपरेको खण्डमा यसले कम्पनीको आगामी लन्चलाई पनि असर गर्नेछ। सामसङ ग्यालेक्सी एस २२ सिरिजको डेलिभरी पहिले नै अघि बढिसकेको छ। टिपस्टर र युट्युबर जोन प्रोसरले आफ्नो ट्वीटमा यो दाबी गरेका छन्।
फ्ल्यागशिप उपकरणको लागि प्रि-बुकिङहरू फेब्रुअरी ९ मा विश्वव्यापी अनावरण कार्यक्रमको दिनबाट सुरु हुनेछ। यसमा, सामसङ ग्यालेक्सी एस २२ अल्ट्रा स्मार्टफोनहरू फेब्रुअरी २५ बाट खरिदका लागि उपलब्ध हुनेछन्, जबकि सामसङ ग्यालेक्सी एस २२ र सामसङ ग्यालेक्सी एस २२ प्लस स्मार्टफोनहरूको उपलब्धता हुने समयलाई मार्च ११ सम्म पुर्याईएको छ।
प्रकाशित: २५ माघ २०७८, मंगलवार
