काठमाडौं ।
इलेक्ट्रिक कार संसारमा यस्तो ईलेक्ट्रिक भेहिकल अब प्रवेश गरेको छ, जसले अहिले देखिएको दायराको समस्यालाई पूर्ण रूपमा हटाउनेछ। नर्वेली ईभी स्टार्टअप कम्पनी फ्रेस्कोले विश्वको पहिलो इलेक्ट्रिक कार प्रस्तुत गरेको छ जसले एक पटक चार्जमा १ हजार किलोमिटरसम्मको दायरा प्रदान गर्दछ।
फ्रेस्को मोटर्सले यस कारको नाम फ्रेस्को एक्सएल राखेको छ। यति मात्र होइन, फ्रेस्को एक्सएलको दोस्रो ठूलो विशेषता भनेको यो कारमा एकैसाथ ४ वा ५ जना नभई ८ जनाले यात्रा गर्न सक्नेछन् । कम्पनीले यो कार ८ सिटरको रुपमा ल्याएको छ।
फ्रेस्को एक्सएल
कम्पनीले दिएको जानकारी अनुसार फ्रेस्को एक्सएलमा एकैसाथ चारवटा विद्युतीय मोटर दिइएको छ। साथै, यसमा दुईतर्फी चार्जिङ पोर्ट र १,००० किलोमिटरको दायरा भएको ठूलो ब्याट्री छ। हाल कम्पनीले यो इलेक्ट्रिक कारको बारेमा थप जानकारी दिएको छैन ।
कम्पनीले सामाजिक सञ्जालमा एउटा भिडियो मात्र शेयर गरेको छ।
सोसल मिडिया प्लेटफर्ममा शेयर गरिएको भिडियोबाट यो कार हाल प्रोडक्सन भर्सनमा रहेको अनुमान गरिएको छ। साथै, कम्पनीले यो कार आगामी दिनमा बजारमा ल्याउन सक्ने अपेक्षा गरिएको छ।
कारको मूल्यबारे अहिलेसम्म कुनै जानकारी आएको छैन । तर पनि कम्पनीले एक्सएल इलेक्ट्रिक कारको प्रि-अर्डर लिन थालेको छ। कम्पनीबाट १ लाख युरो मूल्यमा यो कारको अर्डर सुरु भएको हो।
आठ सिटको इलेक्ट्रिक कार सो स्टार्टअपका संस्थापक, सीईओ र अध्यक्ष एस्पेन क्वाल्भिकले डिजाइन गरेका हुन्। उनले यसअघि एक्सएल इलेक्ट्रिक कारले पुरानो सेडान प्रकारको डिजाइनबाट नयाँ डिजाइनको ल्याङ्गवेज प्रदान गर्ने बताएका थिए। उनले यो विद्युतीय कारलाई ‘फ्रेश ब्रेथ अफ एयर’ भनेका छन्।
उल्लेखनीय कुरा के छ भने फ्रेस्को मोटर्स सन् २०१७ मा अमेरिकन फ्युचरिष्ट ज्याक फ्रेस्कोको नामबाट सुरु भएको थियो । यसबाहेक फ्रेस्कोको अघिल्लो कन्सेप्ट कार रेभेरी २०१९ मा ल्याइएको थियो, यद्यपि यसको उत्पादन संस्करण आउन सकेन। फ्रेस्कोले रेभेरीको टप स्पीड ३०० किलोमिटर प्रतिघण्टा रहेको र यसले दुई सेकेण्डमा ० देखि १०० किमी प्रतिघण्टाको गति लिन सक्ने दाबी गरेको थियो।
प्रकाशित: २४ माघ २०७८, सोमबार
