काठमाडौं ।
केही समययता भारतीय रिलायन्सको टेलिकम कम्पनी जियोले ल्यापटपमा काम गरिरहेको खबर आएको छ। अहिलेसम्म यस ल्यापटपको बारेमा केही खास जानकारी उपलब्ध भएको छैन। तर, त्यहाँ जियोको ल्यापटप सस्तो मूल्यमा उपलब्ध गराउन सकिने अनुमान गरिएको छ।
जियोको आगामी ल्यापटपले यस खण्डमा शाओमी डेल र लेनोभोका साथसाथै भारतीय बजारमा अन्य ल्यापटपहरूसँग प्रत्यक्ष प्रतिस्पर्धा गर्नेछ। पछिल्लो रिपोर्टमा, जियोबुक ल्यापटपले हार्डवेयर अनुमोदन पाएको छ। यस्तो अवस्थामा जियोको यो ल्यापटप छिट्टै लन्च हुने अनुमान गरिएको छ।
जियोको आगामी ल्यापटपको सूची टिपस्टर मुकुल शर्माले भेटेका छन्। यो सूची अनुसार, जियोको ल्यापटप विण्डोज १० ओएसमा चल्नेछ। ल्यापटपको उत्पादन आईडी ४००८३००७८ हो। हाल, जियोको ल्यापटपको स्पेसिफिकेशन वा अन्य जानकारी खुलासा गरिएको छैन।
बीआईएसबाट प्राप्त प्रमाणपत्र
यस सूचीमा रहेको कम्पनीको नाम एमडोर डिजिटल टेक्नोलोजी कम्पनी लिमिटेड हो, जसको मतलब जियोले यस कम्पनीबाट उत्पादन खरिद गर्नेछ र आफ्नै ब्रान्डिङको साथ बेच्नेछ। जियोको यो ल्यापटप लन्चमा नवीनतम विण्डोज अपरेटिङ सिस्टममा चल्छ। यसको साथमा जियोको ल्यापटप जियोबुकले बीआईएसबाट प्रमाणीकरण पनि पाएको छ। योसँगै यो गीकबेन्च बेन्चमार्कमा पनि प्रवेश गरेको छ।
बेन्चमार्क परीक्षण
बेन्चमार्क परीक्षणमा, ल्यापटपले एकल कोर परीक्षणमा १,१७८ अंक र मल्टि-कोर परीक्षणमा ४,२४६ अंक प्राप्त गरेको छ। जियोको यो ल्यापटप मिडियाटेक एमटी ८७८८ चिपसेट र २जीबी र्यामका साथ आउन सक्ने बताईएको छ।
प्रकाशित: २३ माघ २०७८, आईतवार
