काठमाडौं ।
यदि तपाईको ल्यापटपमा बारम्बार ब्याट्री फेल हुने समस्या भईरहेको छ वा ल्यापटप ओभरहिट भईरहेको छ हामी सबैभन्दा पहिले कम्पनीलाई दोष दिने गर्दछौं। तर हरेक समय त्यस्तो भएमा त्यसमा कम्पनी वा ब्राण्डको नै कमजोरी छ भन्ने हुँदैन्।
केही टिप्सहरु पालना गरेमा ल्यापटपको ब्याट्री र ल्यापटपको भित्री भागमा समस्या आउने क्रम रोकिन सक्छ र डिभाइसलाई लामो समयसम्म सुरक्षित राख्न सकिन्छ । यदि तपाई पनि आफ्नो ल्यापटपलाई एकदमै नयाँ अवस्थामा कायम राख्न चाहनुहुन्छ र ब्याट्री प्रोब्लम नआओस भन्ने चाहनुहुन्छ भने आज हामी तपाईलाई केही सजिलो टिप्स बताउन गइरहेका छौं जसको मद्दतले तपाईको ल्यापटप वर्षौंसम्म टिक्नेछ र यसको ब्याट्री पनि बिग्रने छैन।
एग्जस्ट टेबल प्रयोग गर्नुहोस्
बजारमा ल्यापटपका लागि एग्जस्ट प्लेटफर्म र टेबलहरू उपलब्ध छन्। यसको प्रयोगले ल्यापटपमा उत्पन्न हुने गर्मी वा तातोपना सजिलै हट्छ र ल्यापटप चिसो रहन्छ। बजारमा सजिलै उपलब्ध हुने यी ल्यापटप कुलर ५ सयदेखि २ हजाररुपैयाँमा सजिलै किन्न सकिन्छ। तिनीहरूलाई लगातार प्रयोग गर्दा, ल्यापटपको ब्याट्री लामो समयसम्म टिक्छ र भित्री भागहरूमा कुनै क्षति हुँदैन।
काठको टेबलमा काम गर्नुहोस्
यदि तपाईले एग्जस्ट प्लेटफर्म र टेबल किन्नु भएको छैन भने तपाईले काठको टेबुल प्रयोग गर्नुपर्छ। काठको टेबलले ल्यापटपको तातो सजिलै पास गर्न दिन्छ र हावाको प्रवाहलाई पनि कायम राख्छ ताकि ल्यापटप भित्र हिट रोकिन नपरोस्। ल्यापटप राम्रोसँग काम गरिरहेको छ।
जब ल्यापटपमा धेरै हिट जम्मा हुन्छ, यसले ब्याट्रीमा पनि दबाब दिन्छ। लामो समयसम्म यसो भईरहँदा ब्याट्रीको क्षमता घट्छ र बारम्बार चार्ज गर्नुपर्ने हुन्छ, साथै केही महिनामै ब्याट्री बिग्रन थाल्छ, जसलाई बदल्न हजारौं रुपैयाँ खर्च लाग्नसक्छ। यस्तो अवस्थामा आफ्नो ल्यापटपमा कुनै समस्या नआओस् भनेर सधैं काठको टेबुल प्रयोग गर्नुपर्छ, यो बजारमा सजिलै पाइन्छ, साथै आजकल ल्यापटपका लागि अनुकूलित काठको टेबल पनि उपलब्ध छन्।
ओछ्यानमा बसेर काम नगर्नुस्
अधिकांश मानिसहरु राती वा जाडोको समयमा बेड अर्थात ओछ्यानमा नै बसेर काम गर्ने गर्दछन् । जसले गर्दा ल्यापटप छिटो तात्ने हुन्छ। ओछ्यानमा ल्यापटप राखेर काम गर्दा त्यसको तल बनाईएको हिट जाने स्थानहरु बन्द हुन्छन र यसले ल्यापटप छिटो तात्ने गर्दछ। यसले अन्तिममा तपाईँको ल्यापटप ब्याट्रीका साथसाथै अन्य भित्री उपकरणहरुमा पनि असर पार्दछ। त्यसैले कहिले पनि ओछ्यानमा बसेर ल्यापटप नचालाउनु। यसको लागि आजभोली बजारमा पाईने सानो काठको टेबल प्रयोग गर्न सकिन्छ।
निरन्तर लामो समय नचलाउने
निरन्तर लामो समयसम्म ल्यापटप चलाउँदा पनि त्यसमा ओभर हिटको समस्या हुनसक्छ।जसले गर्दा अन्ततः ब्याट्रीमा नै दबाब पर्दछ। तपाईँले कार्यालय वा व्यक्तिगत काम गर्दा ३/४ घण्टाको बिचमा ल्यापटपलाई आराम दिनुहोस्। यसको लागि तपाईँले पुरै शटडाउन गर्नुस् र ल्यापटपलाई तात्नबाट रोक्नुस् । त्यसैगरी तपाईँ ल्यापटप खोलेर अन्य कुनै काम गर्दै हुनुहुन्छ भने ल्यापटपलाई स्लीप मोडमा राख्नुस्। जसले गर्दा ल्यापटपमा अनावश्यक तात्ने समस्या हुँदैन्।
प्रकाशित: २१ माघ २०७८, शुक्रबार
