काठमाडौं ।
ट्विटरले कथित रूपमा “ट्विटर आर्टिकल्स” सुविधामा काम गरिरहेको छ जसले प्रयोगकर्ताहरूलाई लामो टेक्स्ट अर्थात अक्षरका साथ ट्वीट पोस्ट गर्न अनुमति दिन्छ।
ट्विटरमा रिभर्स इन्जिनियरिङ विशेषज्ञले साझा गरेको विवरण अनुसार, कम्पनीले प्रयोगकर्ताहरूलाई प्लेटफर्ममा अवस्थित २८० क्यारेक्टरको सीमाभन्दा बाहिर पोस्टहरू लेख्न अनुमति दिन सक्छ।
हाल, प्रयोगकर्ताहरूले थ्रेडहरू प्रयोग गरेर लामो टेक्स्ट टुक्राहरू ट्वीट गर्न सक्छन्, तर नयाँ सुविधाले एकल ट्वीटमा नै निर्बाध टेक्स्टको लागि अनुमति दिन सक्छ। ट्वीटरले भविष्यमा ट्विटरका लेखहरूको बारेमा विवरणहरू प्रकट गर्ने बताएको छ।
एउटा नयाँ ट्विटर आर्टिकल खण्ड रिभर्स इन्जिनियरिङ विशेषज्ञ जेन मन्चुन वोङ्गले पत्ता लगाएकी छिन्, जसले ट्विटर वेब इन्टरफेसको स्क्रिनसट साझा गरिन्। तस्बिरले देखाउँछ -‘अहिलेसम्म कुनै लेख छैन र ट्विटर लेख सिर्जना गर्नुहोस्!’
Twitter is working on “Twitter Articles” and the ability to create one within Twitter
Possibility a new longform format on Twitter pic.twitter.com/Srk3E6R5sz
— Jane Manchun Wong (@wongmjane) February 2, 2022
यसको आधारमा हेर्ने हो भने प्रयोगकर्ताहरूले ट्विटरमा लामो किसिमका लेखहरू भविश्यमा पोस्ट गर्न सक्षम हुन सक्छन्। यो सुविधा अहिले ट्विटरमा प्रयोगकर्ताहरूका लागि पहुँचयोग्य छैन।
हाल, प्लेटफर्ममा लामो पोस्टहरू साझेदारी गर्न चाहने ट्विटर प्रयोगकर्ताहरूले थ्रेड्स नामक सुविधा प्रयोग गर्नुपर्छ, जसले तिनीहरूलाई पछिको २८० क्यारेक्टर सीमित ट्वीटहरूमा पोस्ट जारी राख्न अनुमति दिन्छ।
प्रयोगकर्ताहरू वोट्स र स्वचालित खाताहरूमा भर पर्छन् जसले यी थ्रेडहरूलाई पढ्न सजिलो ढाँचामा मिलाउन र “अनरोल” गर्दछ।
ट्विटरले नोभेम्बर २०२१ मा रिडर सुविधाको पनि घोषणा गर्यो जसले लामो थ्रेडहरू पढ्न सजिलो बनाउँदछ। यो सुविधा ट्विटर ब्लू सब्सक्राइबरहरूका लागि मात्र सीमित छ।
प्रकाशित: २१ माघ २०७८, शुक्रबार
