काठमाडौं ।
भारतीय अटोमेकर मारुतीले पनि इलेक्ट्रिक कार बजारमा ल्याउने भएको छ। मारुतीले एउटा सानो इलेक्ट्रिक एसयूभीमा काम गरिरहेको छ।
भारतीय मिडियाहरुकाअनुसार यो कारको कोडनेम मारुती सुजुकी वाईवाई८ रहेको छ। स्रोतलाई उदृत गर्दै आएको जानकारीअनुसार यसको मूल्य भारु १० लाखभन्दा कम हुन सक्छ। जसमा २ सयदेखि ३ सय किमीसम्मको दायरा रहेको अनुमान गरिएको छ।
गत वर्ष, टाटाले सानो एसयूभी खण्डमा टाटा पंच प्रस्तुत गर्यो र कम्पनीले यसको इलेक्ट्रिक संस्करण पनि तयार गरिरहेको धेरै लीक रिपोर्टहरूले पत्ता लगाए।
अटो ब्लग वेबसाइटका अनुसार मारुती ब्रान्डको यो कारले शून्य उत्सर्जनमा काम गर्नेछ। यो परियोजनाले ग्रीन सिग्नल पाएको छ र यसको कोडनेम वाईवाई८ हो। यसको बडी एसयूभी प्रकारको हुनेछ। यस कारको सबैभन्दा ठूलो प्रतिस्पर्धा टाटा पंचको इलेक्ट्रिक संस्करणसँग हुनेछ।
यसअघि नै टाटा मोटर्सले आफ्ना धेरै किफायती इलेक्ट्रिक कारहरू प्रस्तुत गरिसकेको छ। यसमा टाटाले नेक्सन ईभी र टाटा टिगोर ईभी ल्याईसकेको छ। यस बाहेक टाटाले यस वर्ष टाटा टियागो ईभी, टाटा पंच ईभी र टाटा अल्ट्रोज ईभी पनि ल्याउन सक्छ।
टोयोटाको इभी जस्तो देखिने
मारुती सुजुकी माइक्रो एसयूभी कार इलेक्ट्रिक पावर ट्रेनको साथ आउन सक्छ। यो टोयोटाको बीईभी जस्तो देखिन्छ, जुन ताइवानमा आधारित छ। मारुतीको यो कार ५ सिटरको हुनेछ। यद्यपि यो कार उत्पादन गुजरातमा रहेको प्लान्टमा हुन सक्छ।
कम्पनीले यो विद्युतीय कारको वार्षिक १.५ लाख युनिट उत्पादन गर्न सक्नेछ। र यो २०२४ को आसपासमा मात्र बजारमा लन्च हुन सक्नेछ।
प्रकाशित: ११ माघ २०७८, मंगलवार
